Доналд Трамп положи заклетва како 47-ми претседател на САД, отворајќи уште еден турбулентен четиригодишен мандат со ветувања дека ќе ги помести границите на извршната власт, ќе депортира милиони имигранти, ќе обезбеди одмазда против неговите политички непријатели и ќе ја промени улогата на САД во светската сцена.

Заклетвата беше преместена во затворен простор за прв пат по 40 години поради екстремниот студ. Свечената инаугурација, која вообичаено се одржува надвор од Капитол, беше преместена внатре поради големиот студ.

Трамп ги потпишува своите први извршни наредби пред преполната арена.

„Можете ли да замислите Бајден да го прави ова? Јас не би рекол така“, рече тој.

Пенкалата со кои ги потпишуваше прописите ги фрли во публиката.

Тој потпиша одлуки за итно замрзнување на овластувањата на „бирократите на Бајден додека новата администрација целосно не ја преземе контролата“.

Понатаму, одредба за привремено замрзнување на вработувањето, со исклучок на војската.

Понатаму, одлуката за повлекување од Парискиот договор за климата, крај на владината цензура на говорот, одредба која бара од сите федерални агенции да ги зачуваат сите записи поврзани со „политичкиот прогон“ за време на претходната администрација и одредба за враќање на федералните работници да работат во канцеларии.

Генералниот секретар на НАТО Марк Руте очекува дека враќањето на Доналд Трамп на местото претседател на САД, брзо и значително ќе го зајакне западниот воен сојуз.

„Со враќањето на претседателот Трамп на функцијата, со турбо-погон ќе ги зголемиме одбранбените трошоци и производството“, објави Руте на Икс.

With President Trump back in office we will turbo-charge defence spending & production

My warm congratulations to @realDonaldTrump on his inauguration as 47th President of the USA, and to @JDVance as Vice President

Together we can achieve peace through strength – through @NATO!

— Mark Rutte (@SecGenNATO) January 20, 2025

Руте изрази „топли честитки“ до Трамп за неговата инаугурација како 47-ми претседател на САД и до Џеј Ди Венс како негов потпретседател.

„Заедно можеме да постигнеме мир преку сила – преку НАТО“, заклучи Руте.

Трамп ги повика земјите-членки на НАТО да издвојат 5 отсто од својот бруто домашен производ за одбраната, наспроти претходните 2 отсто, што беше наведена цел на НАТО.

Новата цел би значела удвојување или повеќе од двојно зголемување на распределбите за повеќето земји-членки.

Италија ќе работи на зајакнување на дијалогот меѓу Европската унија и САД, рече премиерката Џорџа Мелони, честитајќи му на претседателот Доналд Трамп за неговото враќање во Белата куќа.

„Италија секогаш ќе работи на зајакнување на дијалогот меѓу САД и Европа, кој е главен столб за стабилноста и растот на нашите заедници“, објави Мелони, која беше на инаугурацијата на Доналд Трамп, на Икс.

Auguri di buon lavoro al Presidente @realDonaldTrump per l’inizio del suo nuovo mandato alla guida degli Stati Uniti d’America. Sono certa che l’amicizia tra le nostre Nazioni e i valori che ci uniscono continueranno a rafforzare la collaborazione tra Italia e USA, affrontando… pic.twitter.com/sPvUmNK2jH

— Giorgia Meloni (@GiorgiaMeloni) January 20, 2025

Таа изрази уверување дека пријателството меѓу Италија и САД ќе го зајакне нивното стратешко партнерство.

Мелони рече дека сака да се справи со глобалните предизвици и, со Трамп, да изгради просперитетна и сигурна иднина за нивните нации.

Италијанската премиерка важи за лидер на ЕУ со најблиски контакти со републиканците на Трамп.