Свет
Јужна Африка ќе ја истражи приказната за милијардите на Гадафи префрлени во Есватини
Според еден неодамнешен извештај, Јужна Африка наводно им влегла во трага на парите што му припаѓаа на Моамер Гадафи од Либија кај поранешниот претседател на Јужна Африка, Џејкоб Зума, но дека пленот бил изнесен од земјата, пренесува „Спутник“.
Јужна Африка ќе ги испита тврдењата дека милионите долари што Гадафи, наводно, тајно ги префрлил таму, биле предадени во Есватини.
Министерот за надворешни работи на Јужна Африка, Линдиве Сисулу, не верува дека овие тврдења се вистинити, но се согласи да ги истражи ако Либија го побара тоа.
„Ова е многу слично со приказните за духови. Ако верувате во духови, ќе видите дух, но никогаш нема да можете да го допрете. Ова е приказна што се врти многу, многу години“, рече Сисулу на прес-конференција на владејачкиот Африкански национален конгрес во неделата.
Либиските власти побараа од јужноафриканскиот претседател Сирил Рамафоса да му ги врати милионите на Гадафи, објави викендов локалниот весник „Сандеј тајмс“. Пленот, кој се проценува дека вреди 23 милиони долари, наводно Гадафи му го предал на чување пред смртта на тогашниот јужноафрикански претседател Џејкоб Зума, кој го чувал скриен во бункер под својата фарма во источниот дел на земјата.
Зума се спротивстави на воената интервенција предводена од НАТО во Либија во 2011 година за време на граѓанската војна, што на крајот доведе до соборување и убивање на Гадафи. Тој го посочи покојниот либиски лидер како брат и наводно му понудил азил во Јужна Африка, но тој го одбил.
Либиската влада верува дека Зума, кој се соочува со повеќе обвиненија за корупција, измама и за перење пари, претходно годинава го префрлил пленот во Есватини, мало кралство опкружено од сите три страни од Јужна Африка, порано познато како Свазиленд.
Кралот Мсвати Трети првично го негира постоењето на парите, но јужноафриканските новинари тврдат дека тој минатата недела признал во Рамафоса дека парите сè уште се во земјата.
Владата на Есватини соопшти дека чека повеќе докази за да ги поддржи тврдењата, а опозициската Демократска алијанса на Јужна Африка побарала Сирил Рамафоса да ја расјасни својата улога во оваа приказна.
„Потполно е неприфатливо Зума да остане на слобода бидејќи му помогнал на покојниот диктатор од Северна Африка и НПА мора бргу да дејствува за да ја утврди точноста на овие извештаи“, се вели во изјавата на партијата.
Ова не е првпат властите на Либија да тврдат дека Гадафи ги изнел парите од земјата и ги префрлил во Јужна Африка. Во 2013 година, тогашниот министер за финансии, Правин Гордан, се согласи да врати средства во износ од една милијарда долари во тоа време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мажот кој се обиде да влезе во имотот на Трамп дигнал пушка во позиција за пукање пред агентите да го убијат
Маж на околу 20-годишна возраст бил убиен откако се обидел нелегално да влезе на имотот на Доналд Трамп во Флорида.
Обезбедувањето го забележало кај северната порта, носејќи пушка и канистер со бензин.
Агентите на тајните служби му наредиле да ги спушти предметите. Мажот го спуштил канистерот, но ја подигнал пушката во положба за пукање.
„Тогаш заменик-шерифот и двајцата агенти го застрелале и ја неутрализирале заканата. Мажот починал на лице место“, кажа Рик Бредшо, шериф на округот Палм Бич.
Сè уште не е јасно колку куршуми биле испукани, а шерифот рече дека тоа е дел од истрагата.
Во моментот, Доналд Трамп бил во Белата куќа, а неговата сопруга Меланија била со него.
Допрва ќе бидат објавени повеќе детали за идентитетот на осомничениот поврзан со инцидентот.
Портпаролот на Тајната служба, Ентони Гуглиелми, изјави дека осомничениот е од Северна Каролина. Неговото семејство го пријавило како исчезнат пред неколку дена.
Свет
Маж е застрелан откако се обидел нелегално да влезе во имотот на Трамп во Флорида
Mаж е убиен откако се обидел нелегално да влезе во имотот на Трамп во Флорида, објави Скај њуз.
Како што објавија разузнавачките служби, мажот на околу 20-годишна возраст бил застрелан околу 1:30 часот наутро.
Идентитетот на осомничениот сè уште е непознат, а обезбедувањето го забележало човекот на северната порта од имотот.
Носел оружје кое личело на пушка и канта со гориво.
Ниеден агент не е повреден.
Во тек се истраги за идентитетот на човекот и неговиот мотив за делото.
Иако Трамп често го поминува викендот на својот имот, во моментот на инцидентот тој бил во Белата куќа, во Вашингтон, а со него била и сопругата Меланија Трамп.
Свет
Гласањето за трговскиот договор ЕУ–САД може да се одложи поради хаосот со тарифите
Претседателот на Комитетот за меѓународна трговија на Европскиот парламент, Бернд Ланге, предложи одложување на гласањето за трговскиот договор меѓу ЕУ и САД, кое беше планирано за следната недела. Тој истакна дека условите и правната основа на договорот се променети поради неодамнешните американски тарифни мерки.
Ланге оцени дека американската администрација создала „тарифен хаос“ со привремените тарифи на претседателот Доналд Трамп, кои првично беа 10%, а потоа беа зголемени на 15%.
Од партијата Зелени во ЕУ исто така побараа пауза во гласањето додека не се разјаснат сите детали.
Договорот, кој беше постигнат минатото лето, предвидува ЕУ да ги укине царините на многу американски производи, додека САД би вовеле тарифа од 15% на поголемиот дел од европскиот извоз. Намалените царини од ЕУ треба да бидат одобрени од владите на земјите-членки и од Европскиот парламент.
Европскиот парламент минатиот месец привремено ја стопираше работата на договорот поради барањето на Трамп за припојување на Гренланд и заканите со царини кон европските сојузници, но подоцна беше одлучено дека договорот ќе биде ставен на гласање крајот на февруари.

