Свет
Њујорк воведе ковид-пасоши – во ресторан и театар може само вакцинирани
Во Њујорк нема да може да се влезе во ресторан, спортска сала и во театар без потврда за вакцинација, изјави демократскиот градоначалник Бил де Бласио.
Градот стана првиот во САД што воведе ковид-пасош.
Мерката, наречена „клуч за премин во Њујорк“, „ќе бара вакцинација на вработени и гости во ресторанот, корисници на спортска сала и посетители во затворени простории“, рече градоначалникот на конференцијата додавајќи дека ќе биде потребна барем една доза вакцина.
„Ако сте вакцинирани, го имате клучот, можете да ја отворите вратата. Ако не сте, за жал, нема да можете да учествувате во многу активности“, рече Де Бласио.
Тој додаде дека мерката ќе биде воведена на 16 август и дека нејзината имплементација ќе биде контролирана од 13 септември.
Веќе две недели градоначалникот Бил де Бласио и гувернерот на државата Њујорк, Ендрју Куомо, ги повикуваат владините претставници за вакцинација и препорачуваат носење маска поради зголемувањето на бројот на заразени со делта-сојот на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.