Свет
„Њујорк тајмс“: Подготовките се во тек, кој каде ќе седи, што ќе јаде Трамп, а што Ким и кој ќе плати
За подготовките за разговорот за иднината на односите меѓу двете земји ќе биде потребно да се спроведат безбројни одлуки, неверојатен број детали, често со употреба на итри дипломатски преговори. Не е исклучено преговорите да бидат откажани во последен момент, но засега сè се одвива дека Ким и Трамп ќе се сретнат на 12 јуни во Сингапур.
Двете страни ќе преговараат за сè, од местото на средбата до позицијата каде ќе седи едниот, а каде другиот на масата во просторијата, кому ќе му биде дозволено да присуствува, бројот на паузи за јадење, што ќе се користи за здравица на лидерите (особено е проблематично тоа што Трамп не пие алкохол), какви подароци ќе бидат разменети. На крајот, треба да се договори и кој ќе плати за сето тоа, пишува „Њујорк тајмс“.
Безбедноста е главното прашање за двете страни. Како домаќин Сингапур ќе биде задолжен да обезбеди сигурност на патиштата и другите јавни објекти, но САД и Северна Кореја ќе водат сметка за безбедноста на своите лидери.
Секојпат кога американскиот претседател оди на меѓународен пат, го следи многубројна тајна служба, како и лимузина, хеликоптери и други возила за заштита. Од друга страна, пак, Ким има мало искуство со далечни патувања, а заминувањето до Сингапур ќе му биде најаделчно во досегашната кариера.
Властите сè уште не објавиле каде во Сингапур ќе се одржи средбата. Многумина типуваат на хотелот „Шангри-ла“ во кој претходните претседатели на САД сакале да престојуваат. Сепак, одделни претставници на Сингапур сметаат дека средбата ќе се одржи на островот Санос.
“We will be meeting on June 12th in Singapore.” –@POTUS
We look forward to supporting President Trump’s efforts to lead the U.S.-#DPRK relationship into a new era of peace, prosperity, and security. pic.twitter.com/VGrx7hcpNE— Secretary Pompeo (@SecPompeo) June 1, 2018
„Вашингтон пост“ објави дека заменик-шефот на кабинетот во Белата куќа, Џо Хеген, водел разговори со севернокорејските претставници за тоа кој ќе плати во хотелот за Ким и неговата делегација. Северна Кореја е позната по барањата странските влади да го платат сместувањето на нивните претставници кои патуваат надвор од земјата. Така, Јужна Кореја плати 225.000 долари за оброкот, превозот и хотелот за делегацијата од Пјонгјанг за време на Олимписките игри.
Според некои наводи, посетата на Ким би можела да ја плати и владата на Сингапур. Прашањето кој и што ќе плати би требало да падне на оној што го организира состанокот, но тоа го носи и прашањето кој одлучува за менито, како и кој ќе влезе прв во салата.
Трамп е познат по своите опуштени средби со странски лидери, дури и со кршење на протоколот, но дипломатите што веќе имале искуство со Северна Кореја велат дека Пјонгјанг е многу свесен за прашањата за статусот. Тие сметаат дека ќе се води сметка за деталите, како што е местото на масата што ќе го заземе Ким.
Организаторите ќе ги проверат сите детали, како и тоа дали вратата е заклучена. Кога во 2005 година Џорџ Буш се сретна со кинескиот колега Ху Џинтао, се обиде да излезе, но вратата беше заклучена. Ќе се договара и дали на заедничката прес-конференција, на заедничката фотографија, да бидат прикажани знамиња на двете земји или не.
i was trying to find a George bush reaction gif but have been left wheezing to myself at this . nothing but respect for MY locked door pic.twitter.com/7xUVeu773Y
— MISS JUICY BABY (@MARlANTHl) August 31, 2017
Најважно за САД е средбата да не се одржи во Пјонгјанг, каде што сè би било во рацете на домаќинот. Кога Медлин Олбрајт во 2000 година беше во Северна Кореја, никој од американските власти не знаеле каде и кога ќе се сретне со Ким Џонг-ил.
Ким, сепак, би можел да изведе некој трик, како оној што го приреди на средбата со јужнокорејскиот претседател Мун Џае-ин на границата кога држејќи го за рака, го поведе во Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Три лица затрупани во лавина на глечер во Австрија
Лавина го погоди глечерот Штубај во австриски Тирол утрово, а три лица се затрупани, објави Кронен Цајтунг.
Започната е спасувачка операција.
Според Рајнхард Клир, раководител на жичарницата на глечерот, несреќата се случила во зоната надвор од пистата, во близина на превојот Дауншарте околу 9:30 часот утрово.
„Врз основа на моменталните информации, снежните маси делумно стигнале до долниот дел од деветтата патека, која потоа била затворена“, рече Клир.
Двајца делумно затрупани скијачи веќе се спасени.
Забележано е дека неколку скијачи надвор од пистата отвориле воздушни перничиња за лавина.
На терен има неколку хеликоптери за итни случаи, вклучувајќи ги „Алпин 2“, „Мартин 2“ и „Либеле Тирол“, како и екипи за планинско спасување од Нојштифт им Штубај и Зелден со кучиња трагачи, пренесува Танјуг.
Фото: ЕПА
Свет
Унгарскиот министер: Украина би донела опасност и мафија во ЕУ, земјите од Западен Балкан треба да бидат приоритет
Унгарскиот министер за надворешни работи Петер Сијарто во Бања Лука повтори дека владата на Виктор Орбан се спротивставува на приближувањето на Украина кон ЕУ. Тој изјави дека единствен приоритет на Унгарија е интеграцијата на земјите од Западен Балкан.
„Европските интеграции звучат како лоша шега ако во Брисел мислат дека Украина е поспремна за членство од Западен Балкан. Земјите од регионот се подготвени и би придонеле економски, додека Украина носи само опасност, војна и украинска мафија“, рече Сијарто.
Тој додаде дека стабилноста на Западен Балкан е од клучно значење за националната безбедност на Унгарија и најави продолжување на соработката со Република Српска.
Сијарто требал да допатува во Бања Лука со воен авион, но министерот за одбрана на БиХ Зукан Хелез го забрани летот, обвинувајќи ја унгарската влада дека ја поддржува политиката на Милорад Додик која го доведува во прашање опстанокот на БиХ.
Сијарто поради забраната слета со изнајмен цивилен авион.
Свет
Лукашенко до Зеленски: Сега ги имате Одеса и Николаев, а наскоро можете да ги изгубите
Мировниот план на американскиот претседател Доналд Трамп беше набрзина составен, изјави белорускиот претседател Александар Лукашенко на маргините на ОДКБ во Киргистан. Во таа прилика, тој му се обрати и на Владимир Зеленски.
„Сакам веднаш да кажам – и се надевам дека тимот на Трамп нема да се навреди – беше набрзина составен. Не сакам да кажам дека беше направен преку колена, но беше набрзина составен. Мора да се презентира во лесно сварлива форма. Сè мора да се разработи до метар, километар, до последен детаљ“, рече Лукашенко.
Како што истакна, во средата разговарал за американскиот мировен план за Украина со својот руски колега, Владимир Путин. Според него, Путин му презентирал две верзии на планот.
„Владимир Владимирович ми ја презентираше првата верзија и втората верзија, која беше поделена на делови“, рече претседателот на Белорусија.
Тој верува дека нема победници во украинскиот конфликт, а ако има, тоа нема да биде Европската Унија.
„Мораме да ја завршиме оваа војна. Се плашам дека нема да има победник во оваа војна: тоа е катастрофа. Знаете зошто, ако нема. Но, ако има победник, тоа нема да биде Европската Унија ако Америка ги напушти“, рече тој, пренесува Спутник.
Тој му се обрати на шефот на киевскиот режим, Владимир Зеленски.
„Ако сакате да ја задржите Украина во нејзините сегашни граници, мора да преговарате, а не да ги торпедирате преговорите“, рече Лукашенко.
„Размислете, почнувајќи од реалната ситуација, како да го зачувате она што го имате. Имате пристап до морето – и до Одеса, која е ваша, и до Николаев, а тоа може да исчезне во еден момент. Затоа е потребно добро да се измери сè и да се донесе добро осмислена одлука“, додаде белорускиот лидер.
Фото: ЕПА
Ја повредил сопругата со остар предмет, а претходно се обидел со шприц насилно да и стави непозната течност во устата: уапсен маж од струмичко
Вчера во струмичко село полициски службеници од СВР Струмица лишија од слобода 48-годишен жител на тоа село. Според пријавеното, тој...
(Фото) Петмина уапсени на територија на СВР Струмица, пронајдена дрога, воздушна пушка и пиротехнички средства
Вчера во 14:50 часот во Гевгелија, полициски службеници од СВР Струмица- ОВР Гевгелија го лишија од слобода 34-годишниот Ј.Ќ. од...
Нема да биде екстрадиран: Ацо Боцевски 28 години по убиството живее во Грција и издава соби
Солунскиот жалбен совет одлучи да не го екстрадира во Македонија 60-годишниот Ацо Боцевски, познат под прекарот Циганот, осуден на повеќегодишна...
(Видео) Тешка сообраќајна несреќа во Србија: четири лица загинаа во судир на комбе и работна машина – валјак
Во тешка сообраќајна несреќа што се случи рано утрово, околу 6:20 часот, на патот помеѓу Ириг и Рума во Србија,...
(Видео) Сообраќајна несреќа во центарот на Скопје: Пешак удрен од автомобил пред гимназијата „Јосип Броз – Тито“
Во текот на вчерашниот ден на улицата „Димитрие Чуповски“ пред гимназијата „Јосип Броз Тито“ во центарот на Скопје се случи...
Суспендирана миграцијата од Авганистан во САД откако Авганистанец застрела припадници на Националната гарда близу Белата куќа
Двајца припадници на Националната гарда на Западна Вирџинија се во критична состојба откако вооружен човек отвори оган врз нив во...
(Видео) Нови податоци: Најмалку 55 лица загинаа во пожарот во облакодер во Хонг Конг
Бројот на жртви од катастрофалниот пожар што зафати станбен облакодер во Хонг Конг се искачи на најмалку 55, потврди противпожарната...
Двајца гардисти застрелани во близина на Белата куќа; Трамп: Животното што го изврши злосторството ќе ја плати највисоката цена
Двајцата војници на американската Национална гарда кои беа застрелани во близина на Белата куќа во среда се во критична состојба,...
Девојка убиена, млад маж повреден во напад на ајкула во Австралија
Една жена загина, а еден маж е сериозно повреден во напад од ајкула во близина на популарно место за сурфање...
Хамас побара евакуација на своите борци што останаа заробени во тунелите
Палестинската екстремистичка група Хамас ги повика земјите-посредници да извршат притисок врз Израел да им дозволи на десетици нејзини борци да...
Муцунски во Стразбур: Македонскиот јазик, идентитетот и достоинството на граѓаните не може да бидат предмет на преговарање
Министерот за надворешни работи и надворешна трговија, Тимчо Муцунски, попладнево учествуваше и се обрати на 24-тиот состанок на Мешовитиот парламентарен...
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
Се зголемува бројот на напуштени кучиња со активен микрочип
Јавното претпријатие „Лајка“ предупредува на континуиран и загрижувачки тренд на кучиња пронајдени на улица со активен микрочип, односно со јасно...
(Видео) Русија реагира на обелоденетиот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што сѐ исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
