Свет
„Њујорк тајмс“: Подготовките се во тек, кој каде ќе седи, што ќе јаде Трамп, а што Ким и кој ќе плати
За подготовките за разговорот за иднината на односите меѓу двете земји ќе биде потребно да се спроведат безбројни одлуки, неверојатен број детали, често со употреба на итри дипломатски преговори. Не е исклучено преговорите да бидат откажани во последен момент, но засега сè се одвива дека Ким и Трамп ќе се сретнат на 12 јуни во Сингапур.
Двете страни ќе преговараат за сè, од местото на средбата до позицијата каде ќе седи едниот, а каде другиот на масата во просторијата, кому ќе му биде дозволено да присуствува, бројот на паузи за јадење, што ќе се користи за здравица на лидерите (особено е проблематично тоа што Трамп не пие алкохол), какви подароци ќе бидат разменети. На крајот, треба да се договори и кој ќе плати за сето тоа, пишува „Њујорк тајмс“.
Безбедноста е главното прашање за двете страни. Како домаќин Сингапур ќе биде задолжен да обезбеди сигурност на патиштата и другите јавни објекти, но САД и Северна Кореја ќе водат сметка за безбедноста на своите лидери.
Секојпат кога американскиот претседател оди на меѓународен пат, го следи многубројна тајна служба, како и лимузина, хеликоптери и други возила за заштита. Од друга страна, пак, Ким има мало искуство со далечни патувања, а заминувањето до Сингапур ќе му биде најаделчно во досегашната кариера.
Властите сè уште не објавиле каде во Сингапур ќе се одржи средбата. Многумина типуваат на хотелот „Шангри-ла“ во кој претходните претседатели на САД сакале да престојуваат. Сепак, одделни претставници на Сингапур сметаат дека средбата ќе се одржи на островот Санос.
“We will be meeting on June 12th in Singapore.” –@POTUS
We look forward to supporting President Trump’s efforts to lead the U.S.-#DPRK relationship into a new era of peace, prosperity, and security. pic.twitter.com/VGrx7hcpNE— Secretary Pompeo (@SecPompeo) June 1, 2018
„Вашингтон пост“ објави дека заменик-шефот на кабинетот во Белата куќа, Џо Хеген, водел разговори со севернокорејските претставници за тоа кој ќе плати во хотелот за Ким и неговата делегација. Северна Кореја е позната по барањата странските влади да го платат сместувањето на нивните претставници кои патуваат надвор од земјата. Така, Јужна Кореја плати 225.000 долари за оброкот, превозот и хотелот за делегацијата од Пјонгјанг за време на Олимписките игри.
Според некои наводи, посетата на Ким би можела да ја плати и владата на Сингапур. Прашањето кој и што ќе плати би требало да падне на оној што го организира состанокот, но тоа го носи и прашањето кој одлучува за менито, како и кој ќе влезе прв во салата.
Трамп е познат по своите опуштени средби со странски лидери, дури и со кршење на протоколот, но дипломатите што веќе имале искуство со Северна Кореја велат дека Пјонгјанг е многу свесен за прашањата за статусот. Тие сметаат дека ќе се води сметка за деталите, како што е местото на масата што ќе го заземе Ким.
Организаторите ќе ги проверат сите детали, како и тоа дали вратата е заклучена. Кога во 2005 година Џорџ Буш се сретна со кинескиот колега Ху Џинтао, се обиде да излезе, но вратата беше заклучена. Ќе се договара и дали на заедничката прес-конференција, на заедничката фотографија, да бидат прикажани знамиња на двете земји или не.
i was trying to find a George bush reaction gif but have been left wheezing to myself at this . nothing but respect for MY locked door pic.twitter.com/7xUVeu773Y
— MISS JUICY BABY (@MARlANTHl) August 31, 2017
Најважно за САД е средбата да не се одржи во Пјонгјанг, каде што сè би било во рацете на домаќинот. Кога Медлин Олбрајт во 2000 година беше во Северна Кореја, никој од американските власти не знаеле каде и кога ќе се сретне со Ким Џонг-ил.
Ким, сепак, би можел да изведе некој трик, како оној што го приреди на средбата со јужнокорејскиот претседател Мун Џае-ин на границата кога држејќи го за рака, го поведе во Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Силен земјотрес го погоди Крит
Земјотрес со јачина од 4,1 го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот бил на длабочина од 8 километри, додава EMSC.
Епицентарот на земјотресот бил на 64 километри југоисточно од најголемиот град на Крит, Ираклион.
Засега нема информации за евентуална материјална штета.
Свет
Украина го доби третиот противвоздушен систем Патриот од Германија
Украина го доби третиот систем за противвоздушна одбрана „Патриот“ од Германија, соопшти германскиот амбасадор во Киев, Мартин Јегер.
Испораката следи по неколкумесечните повици Украина да добие опрема потребна за заштита на цивилите и инфраструктурата од руските воздушни напади, објави „Ројтерс“.
Украинскиот претседател Володимир Зеленски изјави претходно оваа година дека на неговата земја и се потребни дополнителни седум системи Патриот за да се заштити.
„Украинскиот екипаж ја заврши потребната обука во Германија за управување со системот Патриот“, изјави амбасадорот Јегер на социјалната мрежа Икс.
Киев посочи дека се надева оти ќе биде постигнат напредок во испораката на системите за противвоздушна одбрана на претстојниот самит на НАТО во Вашингтон, кој почнува во вторник.
Висок претставник на американскиот Стејт департмент изјави дека Киев се очекува да добие „добри вести“ на самитот.
Свет
Шефот на НАТО избегна да одговори на прашања за здравствената состојба на Бајден
Шефот на НАТО, Јенс Столтенберг, избегна да одговори на прашањата за здравјето на американскиот претседател, Џо Бајден, пред самитот на Aлијансата во Вашингтон следната недела, велејќи дека една од причините за успехот на НАТО е тоа што не се меша во внатрешните политички работи.
Здравјето на Бајден стана главна тема во предизборната кампања во САД по неговиот слаб настап во дебатата со републиканскиот противкандидат Доналд Трамп минатата недела.
На прашањето дали е загрижен дека фокусот на способностите на Бајден може да го засени самитот на НАТО, Столтенберг одговори дека состаноците секогаш се одржуваат во внатрешен политички контекст.
„НАТО мора да се фокусира на себе и ние ќе го направиме тоа“, рече генералниот секретар на НАТО Столтенберг на прес-конференција пред самитот во седиштето на НАТО во Брисел.
На прашањето дали верува дека Бајден е психички и физички подготвен да ја води најголемата нуклеарна членка на НАТО во наредните години и дали забележал влошување на состојбата на Бајден, Столтенберг одговори дека се сретнал со Бајден пред неколку недели и дека имале добри средби со него во Овалната соба.
„Постигнавме напредок во подготовките за претстојниот самит на НАТО“, рече тој, додавајќи дека го поздравува силното лично лидерство на Бајден за поддршка на Украина. Но, тој рече дека сите дополнителни коментари би можеле да бидат штетни за НАТО.
„Една од причините зошто НАТО е успешна е тоа што не се мешаме во внатрешни политички прашања“, рече тој.
„Ако почнам да кажувам нешто што би можело да ме поврзе со тековните политички дискусии во која било сојузна држава, всушност ќе ја ослабнам унијата“, додаде тој.