Свет
„Њујорк тајмс“: Трамп бил потешко болен отколку што се прикажуваше во јавноста
Поранешниот претседател на САД, Доналд Трамп, бил потешко болен отколку што тогаш се прикажуваше во јавноста, нивото на кислород во крвта во еден момент нагло му се намалило и развил проблеми со белите дробови, објави „Њујорк тајмс“ повикувајќи се на четири лица кои биле запознаени со неговата здравствена состојба додека се лекуваше од коронавирус, додека друга личност од потесниот круг на Трамп го негира тоа.
Пред да биде однесен во Националниот воено-медицински центар „Валтер Рид“, прогнозата била толку загрижувачка што официјалните лица веруваа дека ќе треба да се стави на апарати за дишење, изјавија два извори за „Њујорк тајмс“.
Луѓето запознаени со здравјето на тогашниот претседател изјавија дека тој развил еозинофилна пневмонија, позната како белодробни инфилтрати со еозинофилен синдром (ПИЕ). Болеста се јавува кога белите дробови се воспалени и се акумулираат бактерии или течност.
Присуството на течност или бактерија, особено кога пациентот има други симптоми, може да биде знак на акутна состојба.
Според извор цитиран од американскиот весник, нивото на кислород на поранешниот претседател Трамп во еден момент паднала на 80, а болеста се смета за сериозна ако падне под 90.
Претходно беше објавено дека Трамп имал треска и отежнато дишење на 2 октомври.
Поранешниот претседател неволно ја напуштил Белата куќа и отишол во болница само кога неговите соработници му рекле дека може или да оди сам или да ризикува да биде изнесен од припадниците на тајната служба ако ситуацијата се влоши, тврди „Њујорк тајмс“.
Медицинскиот тим на Трамп, според „Њујорк тајмс“, настојувал да ја минимизира сериозноста на неговата состојба.
Тој ја напушти болницата по три дена и организираше кратко возење со неговиот блиндиран џип за да им мавта на приврзаниците кои беа собрани пред зградата.
Но, друга блиска личност на поранешниот претседател ги демантира тврдењата на медиумите дека Трамп бил сериозно болен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.