Свет
Џонсон: Антиваксерите не се нормални
Британскиот премиер, Борис Џонсон, за време на промоцијата на програмата за вакцинирање против грипот изјави дека луѓето кои се спротивставуваат на вакцинацијата не се нормални.
„Денес има се повеќе и повеќе антиваксери. Тие не се нормални, не се нормални“, рече премиерот за време на посетата на лекарите во Лондон. Иако е загрижен за можноста од втор бран, Џонсон верува дека Велика Британија ќе ја прекине пандемијата на коронавирус до средината на 2021 година, пишува „Гардијан“.
Британските власти планираат годинава да ја продолжат вообичаената зимска програма за бесплатно вакцинирање против грипот на сите постари од 50 години, со цел да се обидат да го намалат нивото на инфекции во текот на зимата и да спречат преоптовареност на здравствениот систем во случај на појава на втор бран на ковид-19.
Џонсон и самиот годинава заболе од ковид-19, но беше на интензивна нега и оздраве.
Опозициските партии тврдат дека Џонсон бил премногу спор во воведувањето на карантинот и оти не ги заштитил гражаните во старечките домови како ранлива точка. Обвинуваат дека Џонсон лошо го спроведувал тестирањето и следењето на контактите и дека не го отпушти високиот советник Доминик Камингс кој патувал за време на карантинот.
Џонсон кажа дека неговото искуство е дека владата требало „побрзо да реагира и да одговори на потребите на народот“.
„Понекогаш владата може да биде спора“, рече Џонсон пред новинарите во освртот на годината откако е на власт. „Учиме цело време“, кажа тој.
Запрашан колку долго ќе мора да се носат маски, Џонсон кажа дека ќе мора да се потпре на здравиот разум на Британците, но одби да даде какво било навестување за тоа кога мерките би можеле да бидат ублажени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.