Свет
Џонсон и Путин разговараа за Украина – каков било упад ќе биде погрешен и трагичен

Британскиот премиер, Борис Џонсон, му рекол на рускиот претседател, Владимир Путин, дека каков било упад во Украина би бил трагичен и погрешен, соопштија од кабинетот на Џонсон за време на нивниот денешниот телефонски разговор.
„За време на разговорот со рускиот претседател, премиерот изрази длабока загриженост поради актуелната непријателска активност на Русија на украинската граница“, изјави портпаролот на британската влада, пренесува „Ројтерс“.
Како што е наведено, Џонсон укажал на потребата да се најде начин напред што ќе ги почитува и територијалниот интегритет на Украина и правото на самоодбрана.
Британскиот премиер исто така нагласи дека секој натамошен упад на Русија на украинска територија би било трагична погрешна пресметка.
„Лидерите се согласија дека влошувањето не е во ничиј интерес. Премиерот ги истакна важноста на дијалогот и дипломатијата, како и потребата да се вклучи Украина во преговорите.
Џонсон и Путин ја поздравија неодамнешната билатерална комуникација за прашања, како што се климатските промени, Иран и Авганистан, и се согласија да го применат овој дух на дијалог на актуелните тензии со цел да се најде мирно решение, се вели во соопштението на кабинетот на британскиот премиер.
Пред повикот, кој требаше да се одржи на почетокот на оваа недела, но беше одложен затоа што Џонсон се бори против повиците на домашната политичка сцена да поднесе оставка, портпаролот на Кремљ гои исмеваше британскиот лидер и глупавоста и незнаењето на британските политичари, според „Ројтерс“.
Официјален Путин потврди и дека Путин и Џонсон во текот на денешниот разговор детаљно размениле мислења за внатрешната украинска криза, пренесува ТАСС.
„Путин, меѓу другото, ги разгледа клучните пристапи на Русија по ова прашање, а особено беше истакнато дека Киев хронично ги саботира договорите од Минск“, се наведува во соопштението на Кремљ.
За време на разговорите со британскиот премиер, рускиот претседател ја забележал и неподготвеноста на НАТО адекватно да одговори на загриженоста на Москва во однос на безбедносните гаранции, соопшти прес-службата на Кремљ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Бројот на кардинали кои ќе го изберат новиот папа е намален

Бројот на кардинални електори кои ќе го изберат наследникот на починатиот папа Францискo се намали на 133 откако двајца кардинали изјавија дека не можат да дојдат во Рим поради здравствени проблеми, изјави портпаролот на Ватикан, Матео Бруни.
Бруни, директор на прес-службата на Ватикан, не ги објави имињата на двајцата отсутни кардинали бидејќи тие се борат со здравствени проблеми.
Италијанскиот кардинал Анџело Бечиу, кој денес објави дека дефинитивно нема да биде на конклавата бидејќи првично бил осуден за проневера, не бил ниту вброен меѓу 135-те кардинални електори.
Конклавата ќе почне на 7 мај. За избор на нов папа е потребно двотретинско мнозинство.
Свет
(Видео) Амазон ќе го прикаже делот од царините заедно со цените, Трамп е бесен: „Непријателски чин“

Белата куќа денес остро го нападна Амазон поради неговиот план на својата веб-страница, покрај вкупната цена на производот, да го прикаже и износот на царините што ги воведе американскиот претседател Доналд Трамп.
„Ова е непријателски и политички чин од страна на Амазон“, изјави портпаролката на Белата куќа, Каролина Ливит, пред новинарите, прашувајќи: „Зошто Амазон не го стори истото кога администрацијата на Бајден предизвика највисока стапка на инфлација во последните 40 години?“
„Ова е уште една причина зошто Американците треба да купуваат американски производи“, додаде таа.
По нејзините забелешки, акциите на „Амазон“, гигантот за онлајн купување основан од Џеф Безос, паднаа за повеќе од 2 проценти во претпазарното тргување.
Безос, еден од најбогатите луѓе во светот, е познат и по тоа што е сопственик на „Вашингтон пост“ и по тоа што беше меѓу гостите на инаугурацијата на Доналд Трамп во 2017 година, иако подоцна се скара со администрацијата на Трамп поради голем број политички прашања.
Амазон сè уште не ги коментираше изјавите на Белата куќа.
Администрацијата на Трамп одговори на медиумскиот извештај дека „Амазон“ планира јасно да им покаже на клиентите колку царините влијаат врз цената на поединечните производи. Според луѓе запознаени со планот, таа сума ќе биде прикажана веднаш до вкупната цена на производот.
На прес-конференција, еден новинар ги праша Ливит и секретарот за финансии Скот Бесент дали се согласуваат дека потегот на „Амазон“ јасно покажува дека царините не ги плаќа Кина, туку американските потрошувачи. Ливит го презеде одговорот, нагласувајќи дека „штотуку разговарала со претседателот за најавата на Амазон“.
Амазон не е првиот трговец кој им укажува на потрошувачите на влијанието на новите тарифи врз цените. Кинеските „Шеин“ и „Тему“ исто така воведоа значителни дополнителни трошоци во последните денови. На пример, „Тему“ сега јасно ја прикажува „увозната давачка“ при пресметување на вкупната цена, која може да изнесува околу 145 проценти за одредени артикли.
Свет
Кина отвора директна морска линија со Перу: „Почнува поморскиот пат на свилата“

Кинеското товарно пристаниште Гуангжу отвори директна линија до пристаништето Чанкај во Перу во понеделник, намалувајќи ги логистичките трошоци и поддржувајќи ја трговијата со Латинска Америка, објави кинескиот државен медиум CCTV.
Пристаништето Чанкај се наоѓа северно од Лима и неодамна стана главна точка на директни врски помеѓу Латинска Америка и Азија. Кинеската бродска компанија COSCO инвестираше 1,4 милијарди долари во првата фаза од изградбата, а беше отворена во ноември од перуанската претседателка Дина Болуарте и кинескиот претседател Кси Џинпинг за време на самитот на Организацијата за азиско-пацифичка соработка (APEC) во Лима.
Кси тогаш изјави дека го означува успешниот почеток на „Поморскиот пат на свилата на 21 век“, нагласувајќи дека Чанкеј е дел од кинеската иницијатива „Еден појас, еден пат“. Денес, повеќе од 400 контејнери со фрижидери, додатоци за домашни апарати, автоделови и друга стока произведена во Гуангдонг беа натоварени на 300-метарскиот брод COSCO Волга, објави CCTV.
Со директна линија, бродот треба да пристигне во Перу за околу еден месец, намалувајќи ги логистичките трошоци за околу 20 проценти, според медиумската куќа. Новата линија, исто така, ќе го скрати патувањето помеѓу Гуангжу Нанша и други латиноамерикански пристаништа, како што се Манзаниљо во Мексико и Сан Антонио во Чиле.
Кина треба да види забрзан прилив на овошје и морски плодови од тихоокеанскиот брег на Јужна Америка и црвено вино од Андите од Латинска Америка. Се очекува Кина да инвестира милијарди долари повеќе за да го развие Чанкеј, заедно со Лима, во голем бродски центар на патот помеѓу Азија и Јужна Америка.