Свет
Џо Бајден потрошил најмногу пари за рекламирање на телевизија од сите досегашни претседателски кандидати

Кандидатот на демократите на претседателските избори во САД, Џо Бајден, потрошил повеќе пари за рекламирање на телевизија и дигитални платформи отколку кој било кандидат во историјата.
Една недела пред изборите, сметката за рекламирање на Бајден достигна 582 милиони долари, а последните десет дена од кампањата, неговиот изборен штаб резервираше простор на телевизиските мрежи во вредност од уште 57 милиони долари.
Неговиот противник, американскиот претседател Доналд Трамп потрошил 342 милиони долари за рекламирање во последните две години, но издвоил уште 50 милиони долари за „спринтот“ пред изборите.
Трамп потроши 14 милиони долари за рекламирање на Фејсбук во последната недела, во споредба со 12,7 долари издвоени од седиштето на неговиот ривал.
Двете кампањи, вклучително и групите што ги поддржуваат, се очекува да чинат вкупно 11 милијарди долари или скоро 50 проценти повеќе отколку на изборите пред четири години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Дел од Австрија под вода: спасени се 150 млади луѓе

Доброволната противпожарна бригада на селото Цел синоќа евакуираше 150 деца и млади луѓе кои учествуваа во извиднички камп во тој австриски регион, откако реката одеднаш се зголеми поради обилните дождови.
Пожарникарите, исто така, помогнаа во расклопувањето на шаторите, додека поради неповолните временски прогнози, кампот на крајот беше целосно откажан.
Според информациите од властите, човечките животи не беа директно загрозени, објави „Кронен Цајтунг“.
Неколку обилни дождови предизвикаа и интервенција на пожарникарите во западна Долна Австрија, според заменик-началникот на противпожарната служба на округот Амштетен, Јозеф Фуксбергер, додавајќи дека дел од градот Хајдерсхофен е целосно отсечен поради поплави.
Исто така, беше поставена подвижна одбрана од поплави за заштита на објектите, рече Фуксбергер.
Фото: принтскрин
Свет
Фон дер Лајен за договорот со САД: Го добивме најдоброто што можевме да го добиеме

Претседателката на Европската комисија, Урсула фон дер Лајен, го бранеше постигнатиот трговски договор со Соединетите Американски Држави, нарекувајќи го „најдоброто што можевме да го добиеме“ и додавајќи дека не треба да се потценува со оглед на претходните закани за воведување царини од 30 проценти врз ЕУ.
Основна царинска стапка од 15 проценти за стоките од ЕУ увезени во Соединетите Американски Држави ќе се применува за повеќето стоки, вклучувајќи автомобили, полупроводници и фармацевтски производи, рече фон дер Лајен.
Во меѓувреме, договорени се нулти царини за одредени стратешки производи, вклучувајќи авиони и делови за авиони, одредени хемикалии и некои генерички лекови. Таа додаде дека не е донесена одлука за царинската стапка за вина и жестоки пијалоци.
Кога ја прашаа дали смета дека царината од 15 проценти е добра зделка за европските производители на автомобили, фон дер Лајен им рече на новинарите: „15 проценти не треба да се потценуваат, но тоа е најдоброто што успеавме да го добиеме“.
Европската Унија вети дека ќе купи американски течен природен гас (ТПГ) и нуклеарно гориво во вредност од 750 милијарди долари во текот на три години.
„Сè уште имаме премногу руски течен природен гас што влегува низ задната врата“, рече таа.
Европската комисија предложи постепено укинување на увозот на руски гас до 1 јануари 2028 година.
„Денешната спогодба гарантира безбедност во неизвесни времиња, носи стабилност и предвидливост“, изјави Фон дер Лајен за новинарите пред да ја напушти Шкотска. Соединетите Американски Држави постигнаа договор за рамковна трговија со Европската Унија во неделата.
Фото: принтскрин
Свет
Орбан: Трамп „ја изеде за појадок“ фон дер Лајен

Унгарскиот премиер, Виктор Орбан, коментирајќи го трговскиот договор меѓу ЕУ и САД, живописно оцени дека тоа не е договор, туку дека американскиот претседател Доналд Трамп „ја изел претседателката на Европската комисија Урсула фон дер Лајен за појадок“, објави унгарската новинска агенција МТИ.
Орбан во онлајн емисија наречена „Борбен час“ изјави дека однапред го очекувал овој исход, со оглед на тоа што американскиот претседател е „тешкаш“ за разлика од претседателката на Европската комисија, која е „лесна“.
„Позицијата на американскиот претседател беше многу постабилна, додека позицијата на претседателката на Комисијата отсекогаш беше покревка“, додаде тој.
САД неодамна склучија сличен договор со Обединетото Кралство, кој е „многу подобар од овој“, смета Орбан. Тој додаде дека европскиот договор тешко дека ќе може да се претстави како успех.