Свет
1.200 научници од целиот свет тврдат: Укинувањето на мерките во Велика Британија е закана за целиот свет

Планот на британскиот премиер, Борис Џонсон, да ги укине буквално сите мерки во земјата од понеделник е закана за целиот свет, тврдат 1.200 светски научници.
Планот исто така создава плодна почва за појава на нови соеви на коронавирусот, кои се отпорни на вакцините, велат научниците.
Во писмото испратено до престижното медицинско списание „Лансет“, потпишано од 1.200 научници, вклучително и владини советници од Нов Зеланд, Израел и од Италија, се вели дека позицијата на Велика Британија како клучна за глобалниот сообраќај ќе значи дека секоја нова варијанта на коронавирусот од таа земја може бргу да се прошири во остатокот од светот.
Научниците се крајно загрижени за планот на Џонсон, пишува „Гардијан“.
Писмото е испратено откако се одржа итен состанок на научници и лекари што се занимаваат со пандемијата на коронавирусот.
Мајкл Бејкер, професор по јавно здравје на Универзитетот „Отаг“ во Нов Зеланд и член на советничката група на Министерството за здравство на Нов Зеланд, на состанокот рече: „Во Нов Зеланд секогаш ја гледавме Велика Британија како пример за лидерство и научна експертиза. Токму затоа е чудно зошто тие не ги следат основните принципи на јавното здравје“.
Хозе Мартин-Морено од Универзитетот во Валенсија и советник на Светската здравствена организација беше исто така присутен на самитот.
„Не разбираме зошто се случува ова и покрај сите научни факти и знаења што ги имаме“, рече Мартин-Морено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.