Комплексна мрежа од 156 пештери кои ги користеле Талибанците и Ал-Каеда е откриена во планините во Пакистан, јавија светските медиуми.

Комплексна мрежа од 156 пештери кои ги користеле Талибанците и Ал-Каеда е откриена во планините во Пакистан, јавија светските медиуми.

Пакистанската војска, која ги откри пештерските тунели во близина на границата со Авганистан, смета дека тие се ископани во период од пет до седум години.

Пештерите се пронајдени за време на офанзивата на пакистанската војска против исламските милитанти во полуавтономните племенски региони во Пакистан, во која загинаа најмалку 75 лица.

Безбедносните сили се сомневаат дека пештерите служеле како главен штаб на Талибанците, а во нив биле пронајдени и перници и душеци за спиење, што укажува на тоа дека пештерите биле користени подолго време.

„Во офанзивата на војската беа убиени и Еѓипќани, Узбекистанци, Чеченци и Авганистанци, што укажува на силна поврзаност и соработка меѓу исламските терористички групи низ светот“, изјави пакистанскиот генерал Тарик Кан.

Кан додаде дека во пештерите кои служеле како штаб за координација, но и како одбрамбен комплекс за милитантите престојувале и припадници на Ал-каеда.

Генералот истакна дека регионот во близина на граница со Авганистан е безбеден и дека се наближува крајот на воените операции.

Кан изјави дека досега 75 милитанти се убиени, 76 се уапсени и 364 биле принудени да се предадат за време на операцијата./крај/иа