Свет
Обновата на Хаити ќе чини околу 11,5 милијарди долари

Околу 11,5 милијарди долари ќе бидат потребни за обнова на Хаити.
Околу 11,5 милијарди долари ќе бидат потребни за обнова на Хаити. Износот, како што соопшти Владата на оваа земја, е груба проценка за целосна обнова на исцрпената земја. Планот за обнова на земјата ќе биде објавен кон крајот на март. Повеќе од 220.000 луѓе загинаа во земјотресот што предизвика материјална штета од осум милијарди долари. Според планот за обнова, за кој ќе се расправа на конференција за Хаири во Њујорк на 31.март, краткорочен приоритет е да се подготват луѓето што останаа без покрив над главата во пресрет на сезоната на дождови и урагани. Околу 218.000 жители на Хаити во моментот живеат во привремени кампови. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Мелони: Италија е еден чекор поблиску до признавање на Палестина

Италија сега е поблиску до признавање на државата Палестина по постигнувањето договор за прекин на огнот во Газа меѓу Израел и Хамас, изјави италијанската премиерка Џорџија Мелони, пренесе Анадолија.
„Очигледно, ако планот се спроведе, признавањето на Палестина од страна на Италија сигурно ќе биде поблиску“, изјави Мелони за новинарите на маргините на Мировниот самит во Шарм ел Шеик во Египет, објави АНСА.
Таа нагласи дека Италија сака да го поддржи воспоставувањето палестинска држава, а воедно да продолжи со хуманитарната помош за народот во Газа.
Мелони додаде дека Италија е подготвена да помогне во стабилизирањето на ситуацијата во Газа, вклучително и можноста за испраќање карабинери, доколку тоа го побара резолуција на Обединетите нации.
„Италија е подготвена да го даде својот придонес. Ова е одлична можност, историски ден. Горда сум што Италија е тука“, рече премиерката.
Таа го опиша договорот за прекин на огнот како „голем успех“ за американскиот претседател Доналд Трамп, додавајќи: „Му посакуваме уште поголем успех, почнувајќи од Украина“.
фото: принтскрин
Свет
Кина одговори на мерките на САД: специјални пристанишни такси за американските бродови

Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме, но објави дека бродовите изградени во Кина ќе бидат ослободени, објави државниот радиодифузен сервис CCTV.
Деталите ги разјаснуваат специфичните одредби за ослободување, вклучувајќи бродови изградени во Кина, празни бродови што влегуваат во кинески бродоградилишта само за поправки и други бродови што се сметаат за ослободени од плаќање.
Кинеското Министерство за транспорт минатата недела објави дека ќе воведе нови пристанишни такси за да ги надомести американските пристанишни такси за бродовите што се упатуваат кон Кина, почнувајќи од истиот ден.
фото: принтскрин
Свет
(Видео) Се урна рудник во Венецуела, најмалку 14 мртви

Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови во областа, соопштија службеници за итни случаи.
Екипите на Националниот систем за управување со ризици соопштија дека спасувачките напори се во тек, а телата се пронајдени во три одделни окна.
Un despreocupado minero nos enseña como se destruyen ecosistemas en busca de #OroDeSangre
…con la confianza cimentada en una lamentable certeza: la cómplice inacción castrense al #SurDelOrinoco pic.twitter.com/oissyKhXH1
— Fritz Sanchez (@Fritz_A_Sanchez) October 12, 2025
„Првата фаза од работата е испумпување на сите окна во секторот за да се намали нивото на водата, по што ќе следи проценка на спасувачките напори“, соопштија службеници за итни случаи во објава на социјалните медиуми.