Претставничкиот дом на Конгресот на САД го изгласа историскиот закон за здравствена заштита кој гарантира здравствена заштита за скоро сите Американци и со кој се спречува злоупотребата на осигурителните компании.

Претставничкиот дом на Конгресот на САД го изгласа историскиот закон за здравствена заштита кој гарантира здравствена заштита за скоро сите Американци   и со кој се спречува злоупотребата на осигурителните компании.

Овој најзначаен закон од областа на социјалната политика, Долниот дом на Конгресот го усвои синоќа, со 219 гласови за и 212 против.

Ниеден претставник од Републиканската партија не го поддржа законот, а нив им се придружија и 34 Демократи.Претседателот Барак Обама гласањето го следеше од Белата куќа, со потпретседателот Џозеф Бајден и со околу 40 соработници.

„Докажавме дека се уште сме народ способен за големи работи. Докажавме дека оваа влада и понатаму работи за народот“ порача Обама по гласањето.

Конгресот очекува Обама веќе утре ќе го потпише законот за реформи во здравството, што е еден од приоритетите на американскиот претседател.

Според предлог законот, поголем број од Американците ќе мораат да имаат здравствена заштита, со што осигурување ќе добијат моментално 32 милиони неосигурени Американци.

Со овој закон на осигурителните компании ќе им биде забрането да им го укинат осигурувањето на клиентите поради нивната поради здравствената состојба.

Се проценува дека трошоците за реформата би можеле да изнесуваат 940 милијарди долари. /крај/бт/фф