Свет
Тајландскиот премиер ќе преговара со демонстрантите
Тајландскиот премиер Абхасит Веџаџива и водачите на масовните демонстрации се договорија да се состанат попладнево, за да се обидат да ја ублажат политичката напнатост, што прерасна во насилство.
Тајландскиот премиер Абхасит Веџаџива и водачите на масовните демонстрации се договорија да се состанат попладнево, за да се обидат да ја ублажат политичката напнатост, што прерасна во насилство.
Премиерот ќе се состане со челниците на Обединетиот фронт за демократија против диктатурата, а преговорите ќе се пренесуваат директно на националната телевизија.
Демонстрантите од 12 март секојдневно се собираат во Бангкок, повремено достигнувајќи и бројка од 100.000 луѓе.
Поранешниот премиер Таксин Шинаватра во 2006 година со воен удар беше симнат од власта и сега дејствува од Дубаи, од каде ги повика своите приврзаници на протести во Бангкок и останатите покраини.
Во отсутност, актуелната власт го осуди Шинаватра на две години затвор, поради злоупотреба на службената должност додека бил на власт/крај/хи/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.