Свет
НАСА го лансираше шатлот „Дискавери“
Американската вселенска агенција НАСА денеска го лансираше шатлот „Дискавери“, кој треба да стигне до Меѓународната вселенска станица.
Американската вселенска агенција НАСА денеска го лансираше шатлот „Дискавери“, кој треба да стигне до Меѓународната вселенска станица. Шатлот, со седум астронаути, меѓу кои и три жени, лансиран е во 06:21 часот по локално време, од вселенскиот центар „Кенеди“ на Флорида. Целта на оваа мисија е достава на 12 тони залихи и лабораториска опрема во Меѓународната вселенска станица. Се очекува „Дискавери“ да стигне на станицата в среда, додека враќањето на земјата е предвидено за 18-ти април. Ова е еден од последните летови на оваа генерација вселенски летала. НАСА има намера да ја повлече оваа генерација летала од употреба (Атлантис, Дискавери и Ендевур). Последниот лет е предвиден за почетокот нас 2011-та, по што сите летови кон Меѓународната вселенска станица ќе се вршат со руското летало „Сојуз“. /крај/хина/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.