Свет
Бучковски платил 1.700.000 евра за опрема и за услуги што не ги добил
Министерството за одбрана лани дало 1.796.426 евра аванс за опрема и за услуги што не ги добило, утврдил државниот ревизор. Од 1994 година, поради неизвршени обврски или недоставена документација, Министерството нема оправдано околу 18.070.000 евра аванси, а без тендер склучувало договори и им давало аванси на претпријатија на крајот на годината за да го потроши одобрениот буџет, сметаат ревизорите.
РЕВИЗИЈА ВО МИНИСТЕРСТВОТО ЗА ОДБРАНА ЗА 2004 ГОДИНА
Министерството за одбрана лани дало 1.796.426 евра аванс за опрема и за услуги што не ги добило, утврдил државниот ревизор. Од 1994 година, поради неизвршени обврски или недоставена документација, Министерството нема оправдано околу 18.070.000 евра аванси, а без тендер склучувало договори и им давало аванси на претпријатија на крајот на годината за да го потроши одобрениот буџет, сметаат ревизорите.
"Дадените аванси не се затворени или поради неизвршени обврски од страна на добавувачот или поради недоставена документација во Секторот за финансии и управување со ресурси.
Ревизијата констатира дека поголем дел од договорите се склучувани на крајот на годината со давање на аванси, што има за цел (намера) ангажирање на неискористените средствата одобрени со Буџетот на крајот на годината, избегнувајќи ја при тоа постапката за јавна набавка, а злоупотребувајќи ја Одлуката од 1998 година со која се ослободени од примена на одредбите од Законот за јавни набавки само набавките на средства од безбедносен карактер. Ревизијата смета дека нетранспарентното склучување договори може да произведе неекономично, неефикасно и неефективно извршување на работите што се предмет на договор", се вели во извештаите.
Тоа е прва ревизија на сметките на приходите од самофинансирање и за приходите наплатени од други органи. Државниот ревизор досега еднаш, во 2001 година, ја проверил буџетската сметка на МО и дал негативно мислење. Во новиот извештај, ревизорите укажуваат дека МО не презело ништо во за слабостите со јавните набавки утврдени на минатата ревизија.
Во сметките биле оправдани само авансите дадени на "Сувенир" од Самоков, а документацијата за аванс од околу 2,5 милиони евра на ТД "Бе-ма" била доставена до МВР за понатамошна постапка.
Според ревизијата, на фирмата ТД "Грединг" лани и бил даден аванс од 1.242.000 денари за реконструкција на паровод во касарната "Стив Наумов" во Битола. Вкупната вредност на договорот била 6.208.000 денари, а бил склучен со непосредна спогодба. Министерството се повикало на владина одлука за определување опрема, материјали и за услуги од безбедносен карактер, од 1998 година. Фирмата "Иднина инженеринг" добила милион денари аванс од договорот склучен на 25 ноември со кој Министерството со непосредна спогодба ја ангажирало да ја реконструира салата во касарната "Илинден" за 17.504.000 денари, односно за околу 286.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Масовен руски напад врз Харков: Бомби паѓаа цела ноќ, две лица загинаа
Во текот на ноќта руските војници гранатираа 17 населени места во областа Херсон, при што загинаа две лица, а четворица беа ранети, објави шефот на воената управа во Керсон, Олександр Прокудин.
„Руската армија гаѓаше станбени области на населени места, при што беа оштетени две катни згради и 10 приватни куќи. Како резултат на руската агресија, две лица загинаа, уште 4 се повредени“, рече Прокудин на Телеграм.
Погоди се забележани и во пристанишната инфраструктура, објектите за критична инфраструктура, трговски центар, комерцијални објекти и автомобили, додаде тој. Според него, непријателот ги гранатирал населбите Дудчани, Нововоронцовка, Михајловка, Одрадокамјанка, Гавриловка, Весела, Золота Балкан, Качкаровка, Антоновка, Станислав, Днепровске, Јантарне, Билозерка, Велетенске, Кизомиш и градот Берег.
Во текот на ноќта, силите за противвоздушна одбрана уништија 26 од 28-те јуришни беспилотни летала што Русија ги користеше за напад на Украина, објави на Телеграм Военото воздухопловство на Вооружените сили на Украина.
Свет
Две тела пронајдени во автомобил под урнатиот мост во Балтимор, паднале од височина од 50 метри во водата
Полицијата во американската сојузна држава Мериленд објави дека две тела биле пронајдени во автомобил во реката Патапско каде мостот Френсис Скот Ки се урна во вторникот наутро откако товарен брод удрил во него.
Двајца мажи на возраст од 35 и 26 години се пронајдени на 7,6 метри под вода, пренесува CBS News. Несреќата се случила во вторникот откако бродот „Дали“ удрил во еден од столбовите на мостот.
Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт. Во вторникот беше објавено и дека бродот Дали, кој удри во мостот, исто така бил вклучен во инцидент во пристаништето Антверпен во Белгија во 2016 година.
Спасувачките екипи ја прекинаа потрагата по шест лица исчезнати по уривањето на мостот во Балтимор, соопштија локалните власти во вторникот вечерта, бидејќи се претпоставува дека се мртви.
Претходно беше соопштено дека спасувачите трагаат по 20 луѓе, додека шефот на противпожарната служба во Балтимор Џејмс Валас во вторникот изјави дека две лица се спасени од реката Патапско.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.