Свет
Повеќе лица сменети од раководните функции

Центрите за социјална работа во Гевгелија и во Струга и Управата за прашања на борци и на воени инвалиди се трите институции кај кои внатрешната ревизија на Министерството за труд и социјална политика констатирала неправилности во трошењето на буџетските средства, соопшти вчера министерот Стевчо Јакимовски.
Центрите за социјална работа во Гевгелија и во Струга и Управата за прашања на борци и на воени инвалиди се трите институции кај кои внатрешната ревизија на Министерството за труд и социјална политика констатирала неправилности во трошењето на буџетските средства, соопшти вчера министерот Стевчо Јакимовски. Тој соопшти дека поради неправилности во работењето биле сменети првите луѓе на неколку подрачни единици и организации што се под капата на ова Министерство.
– Кај Центарот за социјална работа во Гевгелија има подобрување, Управата се уште не одговорила на забелешките на ревизорот за начинот на трошење на парите и спроведување на процедурите, додека Центарот за социјални работи од Струга нема постапено по упатствата, поради што од раководното место ќе биде разрешен досегашниот директор – рече вчера Јакимовски.
Тој појасни дека не се работи за злоупотреби на финансиски средства, туку за незапазување процедури што се потребни за остварување на социјалните права.
Тој информира дека ревизии биле направени и во градинката „13-ти Ноември“ од Скопје, детските одморалишта „Илинден“ во Гостивар, „Пелистер“ во Битола, „Мајски цвет“ во Струга и во организацијата за одмор и рекреација „Младост“. По ревизиите биле сменети директорите на „Илинден“ и на „Младост“.
Јакимовски соопшти дека во тек се ревизии во Министерството и Државниот инспекторат за труд. Тој информира дека биле контролирани и јавните набавки во Министерството за труд и социјална политика, при што не биле констатирани неправилности. Од вкупно 35 јавни набавки, за 29 биле распишани тендери, а другите бидејќи биле на помали суми се набавувале без тендер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Зеленски го саботира процесот на мировни преговори

Украинскиот претседател Володимир Зеленски презема чекори што водат кон саботажа на процесот на мировни преговори во Украина и продолжување на конфликтот, изјави денес портпаролката на руското Министерство за надворешни работи Марија Захарова.
„Зеленски продолжи да презема чекори што водат кон саботажа на процесот на мировни преговори и ескалација на конфликтот. На 21 август, тој разговараше со странски новинари за одбивањето на Киев правно да ги признае териториите неповратно изгубени од таа клика, повторувајќи ги своите делирични максими за нивната окупација“, рече Захарова на прес-конференција, пренесува ТАС.
Таа додаде дека Зеленски „не ја цени волјата на огромното мнозинство жители на овие региони за повторно обединување со Русија врз основа на резултатите од референдумот во 2022 година“.
„Кога беше прашан за мирно решение, Зеленски излажа, се обиде да ја обвини нашата земја дека не сака да ја заврши војната, ја отфрли можноста за давање официјален статус на рускиот јазик, наместо мир, сонуваше за сили на НАТО, рече дека тие треба да бидат распоредени на копно, во воздух и на море“, истакна Захарова, пренесува Танјуг.
Таа додаде дека во своето видео обраќање на 24 август, по повод Денот на независноста на Украина, Зеленски „продолжил да демонстрира воинственост“.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Свет
Кина за санкциите против Иран: Нов конфликт може да доведе до ескалација

Кина и Русија денес ја осудија одлуката на Германија, Франција и на Обединетото Кралство да го активираат механизмот за враќање на санкциите против Иран. Пекинг го смета за контрапродуктивно, а Москва предупредува на непоправливи последици.
Берлин, Лондон и Париз почнаа процес на ОН, кој во рок од 30 дена би можел да доведе до обновување на меѓународните санкции против Техеран поради кршење на меѓународниот договор од 2015 година, чија цел е да се обезбеди дека неговите нуклеарни активности ќе останат цивилни по природа.
„Иницирањето на овој механизам не е конструктивно, ќе му наштети на процесот на политичко и дипломатско решавање на иранското нуклеарно прашање“, изјави портпаролот на кинеското Министерство за надворешни работи, Гуо Џијакун, пред новинарите.
„Кина верува дека Советот за безбедност во оваа фаза треба да го охрабри продолжувањето на дијалогот и на преговорите наместо да создава нова конфронтација, што би довело до влошување или дури и ескалација на ситуацијата“, рече кинескиот портпарол.
„Ги повикуваме да се вразумат и да ги преиспитаат своите погрешни одлуки пред тие да доведат до непоправливи последици и нова трагедија“, соопшти руското Министерство за надворешни работи.
Фото: ЕПА