Владејачката коалиција тврди дека во Скопје ќе има втор круг меѓу независниот кандидат и досегашниот градоначалник

Владејачката коалиција тврди дека во Скопје ќе има втор круг меѓу независниот кандидат и досегашниот градоначалник

Штабот на независниот кандидат обвини за државен фалсификат

ОЛИВЕРА ВОЈНОВСКА

Владејачката коалиција “За Македонија заедноои вчера ја оспори победата на независниот кандидат за градоначалник на Скопје зад кој застана и целата опозиција, Трифун Костовски, и објави дека битката во главниот град не е завршена, дека Ристо Пенов и Костовски ќе ја продолжат трката во вториот изборен круг. Според Изборниот штаб на “Зааи, Костовски не го освоил неопходниот минимум гласови, 50 проценти од излезените гласачи плус еден, – 110.153, туку на негово салдо прокнижил 48,5 отсто, што е за 1,5 отсто помалку. Власта вчера прогласи изборна победа, ги оцени изборите како фер и демократски, со одредени нерегуларности на некои гласачки места во Чаир, Шуто Оризари и во Долнени. Оспорувањето на изборниот резултат за штабот на Костовски е обид за државен фалсификат во режија на власта. Државната изборна комисија вчера не соопшти резултати за Скопје, со образложение дека сў уште не ги добила податоците од Градската изборна комисија. Граѓанската асоцијација “Мостти и во текот на вчерашниот ден соопшти речиси идентични податоци за Скопје со оние од штабот на Костовски, а можноста за грешка, според нив, е еден отсто, или едно советничко место. Според “Мостти, Костовски добил 53,76 отсто, Пенов 31,2 отсто, кандидатот на ДПА, Аргим Нагавци, 6,91 отсто, Сами Фејзулаху од ДУИ 6,86 отсто, Џезаир Шаќири од НДП освоил 1,45 отсто од гласовите, а неважечки ливчиња се 1,9 проценти.

“Во неделата во Република Македонија се одржаа слободни, фер, регуларни и демократски избори. Според сите можни критериуми, нашата коалиција е победник во првиот изборен круг. Од вкупно 1.037 места во општинските совети, нашата коалиција убедливо е на прво место со освоени 385 советници, повеќе од стотина места од ВМРО-ДПМНЕ. Во првиот круг имаме победа на нашите кандидати за градоначалници во 14 општини, за разлика од ВМРО-ДПМНЕ, кои имаат само еден градоначалник. Во Скопје не е избран градоначалник во првиот круг, ќе се одржи и втор круг. За победа е потребно 110.153 гласа, а господинот Костовски, според нашата анализа, освоил 104.903 гласа, или 48,5 отсто. Пенов има 63.112 гласа, а односот е 1 : 1,7. Во Советот на Скопје владејачката коалиција имаме 16 советнички места. Нашите информации говорат дека завчера близу 40.000 гласачи во Скопје, најголем број од Шуто Оризари и од Чаир, беа спречени да гласаат регуларно и затоа побаравме поништување на изборите во овие гласачки места, за што поднесовме приговори во општинските изборни комисииии. Со вакви оцени излегоа шефот на Изборниот штаб на “Зааи, Никола Ќуркчиев, и првиот човек на штабот на Пенов, Андреј Жерновски, на вчерашната прес-конференција, на која СДСМ и ЛДП многу нагласено сакаа да демонстрираат единство и беше одржана во исклучително еуфорична атмосфера. Во салата “спонтаноои се собраа членови на СДСМ и кандидати за советници, кои аплаудираа, воодушевени од настапите на претставниците на Изборниот штаб, така што новинарите буквално се надвикуваа за да постават прашање.

Одговарајќи на прашањето зошто сега бројат советници и прогласуваат победа, за разлика од 2000 година кога броеја големи градови, Ќуркчиев рече: “Ако ги погледнете гласовите, ќе видите дека здружената опозиција и ВМРО-Народна заедно имаат помалку гласови од коалицијата “Зааи. Ние имаме 279.463 гласа, а здружената опозицијата и ВМРО-Народна имаат 263.507 гласа, значи во предност сме 20.000 гласааи.

Штабот на владејачката коалиција соопшти дека тие добиле градоначалници во првиот круг во: Велес, Вранештица, Дебарца, Демир Капија, Демир Хисар, Карбинци, Карпош, Ресен, Росоман, Струмица, Центар Жупа и Кавадарци. Нивните анализи покажале дека кандидатите на СДСМ и ЛДП влегуваат во вториот круг во 42 општини, а уведливо водат во 31:Берово, Битола, Богданци, Босилево, Василево, Виница, Гевгелија, Делчево, Дојран, Долнени, Другово, Крива Паланка, Кривогаштани, Крушево, Куманово, Лозово, Македонски Брод, Неготино, Ново Село, Охрид, Пехчево, Прилеп, Пробиштип, Радовиш, Старо Нагоричане, Штип, Гази Баба, Центар, Аеродром, Кисела Вода и Чучер Сандево. На второ место се во 11 општини: Бутел, Валандово, Вевчани, Ѓорче Петров, Зелениково, Зрновци, Кратово, Маврово, Ростуше, Македонска Каменица, Сопиште и Кочани.