Свет
11 загинати, а 15 ранети во вооружен напад на исламистичка група во Багдад

Вооружени напаѓачи влегоа во село во ирачката провинција Дијала, североисточно од Багдад, при што загинаа 11 лица, а 15 беа ранети, соопштија властите.
Исламистите убија 11 лица, меѓу кои и жени, изјавија од Здружената оперативна команда.
Цел на нападот биле беспомошни цивили во селото Ал-Хаваша во близина на градот Мукдадија, соопшти командата.
Полицијата извести дека напаѓачите влегле во селото со неколку возила и биле вооружени со полуавтоматски пушки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пукање во училиште во Денвер – ученик повреди двајца професори, полицијата трага по напаѓачот

Двајца возрасни лица се повредени денеска при пукање во средно училиште во Колорадо.
Пукањето се случило во средното училиште „Ист“, а напаѓачот е во бегство, соопшти локалната полиција, пренесува „АП“. Во инцидентот повредени се двајца членови на наставниот кадар.
„Ученик застрела и рани двајца возрасни во средно училиште во Денвер во средата. Едниот е на операција, а другиот е стабилен и може да зборува за тоа што се случило“, изјави градоначалникот Мајкл Хенкок за „Си-Ен-Ен“.
Полицијата во Денвер на „Твитер“ објави дека реагирала на пукањето во средното училиште.
„Засега две возрасни лица се пренесени во локална болница. Се верува дека осомничениот повеќе не е на местото на настанот и дека инспекторите работат на добивање дополнителни информации“, според твитот од полицијата во Денвер.
Училиштето беше затворено додека полицијата го истражуваше пукањето.
Свет
Шведска го усвои законот за пристапување во НАТО додека чека ратификација

Шведскиот парламент денеска официјално го одобри законот кој ќе и’ овозможи на земјата да се приклучи кон НАТО откако неговата апликација ќе биде ратификувана од сите 30 членки на алијансата, пишува „Ројтерс“.
Шведска и соседна Финска поднесоа барање за влез во НАТО минатата година како одговор на руската инвазија на Украина. Сепак, тој процес е попречен од Турција, која, како и Унгарија, допрва треба да ги ратификува шведските и финските барања.
Очекувано, шведскиот парламент го усвои законот со големо мнозинство од 296 гласови за и 35 против. Партиите на левицата и зелените гласаа против.
Со влезот во НАТО, Шведска ќе стави крај на двовековната воена неутралност. Шведска особено се соочува со приговори од Турција, која тврди дека во Стокхолм има членови на терористички групи, што шведските власти го негираат.
Анкара бара екстрадиција на луѓето кои ги смета за терористи како услов за давање зелено светло за членството на Шведска во НАТО. Турскиот претседател Реџеп Таип Ердоган минатата недела изјави дека турскиот парламент ќе почне да го ратификува пристапот на Финска во НАТО, но го одложи во случајот со Шведска.
Истиот ден, унгарскиот парламент објави дека ќе гласа за ратификација на приемот на Финска во НАТО на 27 март, но не и на Шведска.
Свет
Силен земјотрес ја погоди Аргентина

Земјотрес со јачина од 6,5 степени според Рихтеровата скала денеска ја погоди Аргентина.
Епицентарот на земјотресот бил северозападно од Сан Антонио де лос Кобрес.