Американската полиција соопшти дека имало пукање во болница во државата Мичиген.

Се уште се трага по напаѓачот, пренесуваат светските агенции.

Полициската управа го потврди пукањето во болницата Corewell Health Beaumont Troy во објава на социјалната мрежа X.

🚨 BREAKING: A massive police response is happening near Corewell Health Beaumont Hospital in Troy, Michigan, after police confirmed an active shooting. SHOOTER NOT IN CUSTODY. pic.twitter.com/gHuihpoXsa

— Ready Breaking (@Ready_Breaking) March 20, 2025

„Се чини дека ова е изолиран инцидент, но осомничениот не е уапсен“, се вели во соопштението на полицијата.

Болницата соопшти дека најмалку едно лице е повредено, додека официјалните лица побараа од јавноста да ја избегне областа.

Училиштата во градот се заклучени, но наставата се уште се одржува.

Се уште не се познати детали за тоа што го предизвикало инцидентот и дали има повредени или жртви.

Портпаролката на руското Министерство за надворешни работи Марија Захарова денеска изјави дека одредбите од новата одбранбена стратегија на ЕУ за помош на Украина укажуваат на намерата на Европа да ги наруши руско-американските преговори за Украина.

„Сето ова јасно го покажува непроменливиот курс на раководството на Европската унија и на мнозинството нејзини членки во насока на поткопување на руско-американските напори за изградба на дијалог за изнаоѓање начин за мирно решавање на украинскиот конфликт“, рече Захарова на брифингот, пренесува РИА Новости.

Според неа, во тек се подготовки за средби меѓу Русија и САД за Украина, вклучително и договор за датумот на средбата и составот на делегациите.

Коментирајќи ја најавата на Пентагон за продолжување на испораката на воена помош за Киев, Захарова оцени дека испораката на американско оружје за Украина е во спротивност со изјавите на Вашингтон за неговата намера да постигне дипломатско решение за украинската криза.

„Оние кои сакаат да постигнат мир во Украина, природно ќе се залагаат за што поскоро прекинување на милитаризацијата на терористичката банда претставена од властите во Киев“, истакна портпаролката на руското министерство и предупреди дека испораката на оружје за Украина „го попречува решението и директно ги вклучува земјите од НАТО во конфликтот, нагласувајќи дека тие „си играат со оган“, пренесува Танјуг.

Во Институтот за трансфузија на крв во Србија има долги редици хумани белграѓани кои трпеливо чекаат да даруваат крв за, како што велат, нивните браќа, сите млади повредени во страотниот пожар во Кочани, кој ја остави во црно Македонија и целиот регион. Дел од повредените во страшниот пожар се пренесени на лекување во неколку соседни земји, меѓу кои и во Србија, во Ургентниот центар во Белград, како и во Воено-медицинската академија (ВМА), но и во болниците во Ниш.

На улицата Свети Сава 39 во Белград има гужви по ходниците, по скалите, во чекалните, луѓето се трпеливи за да ги направат сите лекарски прегледи и доброволно да даруваат крв. По ходниците е молк, се слушаат само лекари кои повикуваат на хумани доброволни дарители, пренесуваат српските медиуми.

Вчера и денеска на социјалните мрежи се споделуваат фотографии и видеа за долгите колони и големиот одѕив во Институтот за трансфузија на крв во Србија.

Во просториите на Институтот, граѓани за „Блиц“ раскажуваат како биле погодени од оваа страшна трагедија, а дел од нив денеска за прв пат даруваат крв.

Во нивните очи се гледа огромна солидарност и тага, некои останаа без зборови, повторувајќи само дека вакво нешто никогаш повеќе не треба да се повтори на Балканот, пишува медиумот.

Има и такви кои за прв пат доброволно даруваат крв, а еден од нив е и Милош Делиќ од Белград.

„Денеска сум првпат овде, но мојата сопруга е од Македонија и кога видов што се случи, секој од нас треба да дојде да даде крв и да помогне колку што можеме. Нејзин близок пријател беше пејачот Андреј од групата ДНК, кој за жал загина додека им помагаше на децата во пожарот. Во куќата има тага, но ќе помогнеме колку што можеме“, вели тој.