Феминистичката партија во Шведска денеска запали банкноти во вкупна вредност од 100 000 шведски круни (10 385 евра) во знак на протест против нееднаквостите во платите помеѓу жените и мажите.

Феминистичката партија во Шведска денеска запали банкноти во вкупна вредност од 100 000 шведски круни (10 385 евра) во знак на протест против нееднаквостите во платите помеѓу жените и мажите. „100 000 круни, тоа се парите што жените ги губат секоја минута во овој систем, во кој плаќањето се определува во зависност од полот,“ рече Гудрун Шиман, лидерката на партијата „Феминистичка иницијатива“ за шведското државно радио. „Ќе  изгориме 100 000 круни и ќе го направиме тоа за да добие праведни и фер плати,“ додаде таа. Потребни беа 40 минути за горење на торбата со банкнотите од по 100 круни обезбедени од пи ар компанија, објави радиото. Фактот дека нашиот пазар на труд се уште се заснова на фиксната плата според полот е провокација за нас,“ рече Шиман. Уништувањето на банкноти не е нелегално во Шведска, прецизирал портпаролот на Централната банка. „Не е забавно да се горат пари. Знам дека се тоа многу пари. Тоа се многу пари и за мене и за многу други луѓе,“ рече таа, признавајќи дека имало долга листа на добротворни организации кои можеле да ги искористат парите. „Но Феминистичката иницијатива е политичка партија а не добротворна организација. Ние работиме за промена на реалноста. Прашањето кое сакаме да го подигнеме со овој чин е дискриминацијата при плаќањето, “ додаде Шиман. Феминистичката иницијатива е формирана во 2005 година и учествуваше за прв пат на парламентарните избори во 2006 година, но не освои ниту едно место во парламентот./крај/афп/бг/ко