Рускиот диригент и пијанист Михаил Васиљевич Плетњев, кој треба да го отвори овогодишното 50. издание на Охридско лето, го напуштил Тајланд, само неколку дена откако е обвинет за силување на 14. годишно момче, пренесуваат медиумите.

Рускиот диригент и пијанист Михаил Васиљевич Плетњев, кој треба да го отвори овогодишното 50. издание на Охридско лето, го напуштил Тајланд, само неколку дена откако е обвинет за силување на 14. годишно момче, пренесуваат медиумите.

Плетњев, кој е уапсен во понеделникот во еден ресторан во летувалиштето Патаја на Тајланд, ја напуштил земјата со авион на „Аерофлот“, јави руската агенција РИА Новости. Друга новинска агенција јавува дека отпатувал за Москва преку Дубаи, со авион на компанијата „Емирати ерлајн“.

Агенцијата Асошиејтед прес, која стапила во контакт со домаќинката на Плетњев во Патаја, соопшти дека рускиот диригент минатата ноќ го напуштил Тајланд и заминал за Москва.

Плетњев, основач на првиот руски независен оркестар во вторникот по сослушувањето во судот бил пуштен со кауција од 9.000 долари и наредба да се јавува во судот на секои 12 дена. Доколку биде прогласен за виновен, тој би можел да биде осуден на 20. години затвор и глоба од 1.200 долари.

Тајландската полиција соопшти дека рускиот музичар е уапсен по дојавата на Трајпоб Бунмасонг, Тајланѓанец обвинет за силување на дете и вмешаност во еден ланец на детска проституција.

Полицијата додаде дека има и изјава на 14. годишното момче, кое тврди дека Плетњев го силувал двапати во куќата на Трајпоб, во која живеел една година.

Тајландскиот весник „Патаја дејли њуз“ пишува дека Плетњев живее на Тајланд последните 15 години и го цитира уметникот кој смета дека обвиненијата против него можеби се последица на неговото „дружење со Трајпоб“, кого го познава „многу години“ и го смета за „талентиран уметник“.

Плетњев додаде дека Трајпоб се грижел за неговиот имот додека бил на пат и дека не знае за наводната вмешаност на Трајпоб во ланец со детска проституција.

Рускиот уметник во телефонска изјава за агенцијата Асошиејтед прес рече дека „сето ова е недоразбирање“ и дека нема намера трајно да го напушти Тајланд.

Неговата фондација во вчерашното соопштение испратено до организаторите на Охридско лето, што Плетњев треба да го отвори на 12. јули, демантираше дека рускиот диригент е уапсен на Тајланд поради силување и педофилија.

Фондацијата Михаил Плетњев во соопштението наведува дека станува збор за грешка и дека за силувањето е обвинет Тајланѓанецот кому рускиот уметник му ја изнајмил куќата.

Плетњев во 2005. година доби награда „Греми“ за аранжманот за „Пепелашка“ на Сергеј Прокопиев. Во Бангкок настапуваше како диригент гостин на Симфонискиот оркестар. Сопственик е на ресторан и неколку фирми на Тајланд.

Тајланд веќе подолго време важи како рај за педофилите и туристите гладни за малолетнички секс поради раширената проституција и слабите закони. /крај/риа/ап/б/ст