Свет
Стотици депортирани од автономен регион во Сомалија

Безбедносните сили од полуавтономниот регион на северот на Сомалија, Пунтланд, приведоа и депортираа стотици цивили – бегалци со потекло од југот на земјата, поради тоа што ги сметаат за безбедносна закана, пренесува Асошиејтед прес.
Безбедносните сили од полуавтономниот регион на северот на Сомалија, Пунтланд, приведоа и депортираа стотици цивили – бегалци со потекло од југот на земјата, поради тоа што ги сметаат за безбедносна закана, пренесува Асошиејтед прес. Министерот за безбедност на областа, Јусуф Ахмед, во среда изјави дека акцијата се однесува само на оние бегалци кои доаѓаат од воените подрачја на југот на Сомалија, поради стравување за можните врски со исламските терористи од организацијата Ал Шабааб, која има свое упориште на југот. Пунтланд се прогласи за автономна држава во рамките на Сомалија во 1998 година и оттогаш областа, главно, беше поштедена од насилствата кои го уништија поголемиот дел од централна и јужна Сомалија. Властите на регионот стравуваат дека насилства од југот можат да се прелеат и на нивна територија. Локалната активистка за човекови права, Кадија Дахир, вели дека се приведени и депортирани околу 500 луѓе. Таа овој потег на локалните власти го нарече „неприфатливо и јасно кршење на правата на кутрите бегалци, кои дошле тука бегајќи од насилство“. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Австралискиот премиер падна од бината додека позираше пред фотографите

Австралискиот премиер Ентони Албанезе падна од бината додека позираше пред фотографите откако одржа говор во Лавдејл во регионот Хантер во Нов Јужен Велс.
Учесниците на настанот му помогнаа на Албанезе да стане, а тој им мавна на присутните велејќи дека е добро, објави „Скај њуз“.
Anthony Albanese has fallen off the stage while speaking at a mining union conference… pic.twitter.com/Z716MlW629
— Roman Mackinnon (@RomanMackinnon6) April 3, 2025
Тој не се здобил со никаква повреда при падот.
Инцидентот се случил откако Албанезе бил изнервиран од двајца демонстранти за климата додека бил во посета на блиската болница.
Тие беа извлечени од болницата Мејтленд по обидот да ја спречат посетата на австралискиот премиер.
Групата климатски активисти Rising Tide ја презеде одговорноста за инцидентот во објава на социјалните мрежи во која се фалат со протестите, пренесува Танјуг.
Оваа група прекина шест политички настани во последните недели.
Албанезе од редовите на Лабуристичката партија води во анкетите на јавното мислење во споредба со лидерот на опозицијата Питер Датон со поддршка од 49 до 38 отсто од гласачите.
Федералните избори ќе се одржат на 3 мај, пренесуваат светските агенции.
Свет
Дипломатски пропуст: Орбан и Нетанјаху застанаа пред погрешни знамиња во Будимпешта

За време на заедничката прес-конференција во Будимпешта, израелскиот премиер Бенјамин Нетанјаху и унгарскиот премиер Виктор Орбан застанаа пред погрешните знамиња – спротивно на дипломатскиот протокол. Орбан зборуваше пред израелското знаме, додека Нетанјаху застана пред унгарското знаме, пренесува Klix.ba.
Нетанјаху отпатува за Унгарија и покрај потерницата издадена против него од страна на Меѓународниот кривичен суд (МКС) за воени злосторства во Појасот Газа.
За да го олесни неговото доаѓање, Унгарија привремено се повлече од таа меѓународна институција.
За време на својот говор, Орбан истакна дека Унгарија застана на страна на Израел во текот на целиот период на конфликтот и истакна дека е важно таа земја да остане „„силна и стабилна. Тој го нарече Израел „сидро на Блискиот Исток“.
Орбан, исто така, изрази загриженост поради, како што тврди, порастот на антисемитизмот во Европа, наведувајќи дека „знамињата на Хамас не се вееа во Унгарија“.
Тој додаде дека верува оти илегалната имиграција е главниот двигател на антисемитизмот на европскиот континент, додека европските елити, како што тврди, не посветуваат доволно внимание.
На крајот, тој рече дека Будимпешта нема да поддржи никаков договор на ниво на Европската унија што ќе им овозможи на барателите на азил да влезат во Унгарија.
Свет
Заразата се шири: граничните премини на Австрија се затвораат поради смртоносна болест

Шапот и лигавката, многу заразна и опасна болест за животните, продолжува да се шири. По првите случаи во Унгарија на почетокот на март, неодамна се појави епидемија во Словачка, во близина на границата со Австрија. Заразена е фарма со повеќе од 3.000 животни.
Со цел да се спречи ширењето на болеста во Австрија, МВР и Министерството за здравство подготвуваат нови мерки. Следен чекор ќе биде затворање на граничните премини меѓу Австрија и Словачка, како и Унгарија.
„Контролите не се можни насекаде“, потврдија за Heute од канцеларијата на државниот секретар Улрике Кунигсбергер-Лудвиг.
Овие мерки првенствено ги засегаат помалите гранични премини, пренесува Heute. Во моментов нема докази за вирусот во Австрија. Мерките се насочени кон заштита на домашните фарми и животни.
„Потребни се само неколку вирусни честички за да се предизвика инфекција, а ветрот може да ги носи и до 40 километри“, предупредува вирологот. Појавата на вирусот во Австрија ќе доведе до неопходно убивање на заразените стада и ќе го загрози статусот на земјата како ослободена од шап и лигавка, што сериозно ќе го оштети извозот, пренесува N1 Хрватска.
Австрија превентивно го забрани увозот на животни и производи од Словачка и Унгарија, а моментално нема потврдени случаи на нејзина територија. Оваа болест ги зафаќа сите копитари, вклучувајќи ги домашните и дивите видови, со период на инкубација од 2 до 14 дена.
Последната епидемија на шап и лигавка се случи во Австрија пред повеќе од 40 години, во јули 1981 година.