Ешли Ен Кирилов избрала болен начин за да привлече внимание.

Ешли Ен Кирилов избрала болен начин за да привлече внимание.

Таа ја бричела косата од главата и изгладнувала за да собере пари за нејзината „болест“.     Нејзините помошници собирале по илјадници долари на тој начин што во јавноста кажувале дека таа боледува од рак.

Но, на крај, 23 годишната девојка признала дека не боледува од рак и сега ја чека судење во Канада.

Нејзините пријатели откриле дека глумењето било само за да привлече внимание бидејќи и се разведувале родителите.

Кон крајот на 2008 година кај нејзе е откриен бениген чвор и по зафатот таа на сите почнала да им раскажува дека има рак. Во следните неколку месеци „ракот се преместувал“ од мозокот на желудникот, па се до јајниците.

На родителите им кажала дека итно и треба трансплантација на коскена срж или за шест месеци ќе умре, по што нејзиниот татко за првпат почнал да се сомнева во приказната дека таа е болна.

Кога тој и кажал дека се сомнева дека ќерка му  е болна, Ешли се налутила и не контактирала со него една година. Набрзо се преселила кај пријател кој и поверувал дека има рак, а тој како начин за собирање на пари за нејзината операција почнал да организира хуманитарни вечери.

Успеале да соберат 9.000 долари, по што продолжиле да организираат вакви забави. На Фејсбук основале и група „Промени за ракот“  во која за брзо време успеале да соберат 4.000 обожаватели.

Преку социјалната мрежа добила 20 илјади долари, а на својата картичка успеала да собере уште 40 илјади долари.

Последниот чекор пред да признае и бил ставањето на статусот на својот Фејбук профил во кој навела како се чувствува и дека тоа ќе биде последното нешто објавено од нејзе на социјалната мрежа. Ешли веднаш добила повик од својот татко кој ја преколнувал да ја признае измамата.

„Се закопав во дупка од која не можев да излезам и не кривам никој освен себе, но сега само сакам некако на луѓето да им ги вратам парите“, рече Ешли./крај/дневникхр/бс