Главниот економски советник на американскиот претседател, Лоренс Самерс денеска рече дека до крајот на годината ќе ја напушти должноста, што е трета оставка во економската екипа на Белата куќа во три месеци.

Главниот економски советник на американскиот претседател, Лоренс Самерс денеска рече дека до крајот на годината ќе ја напушти должноста, што е трета оставка во економската екипа на Белата куќа во три месеци.

Самерс на крајот на годината ќе се врати на местото професор на Харвард, соопшти Белата куќа.

Оваа најава доаѓа во време кога Соединетите американски држави се уште ги сносат последиците од најголемата рецесија во последните  триесет години, со официјална стапка на невработеност близу 10 отсто и шест недели пред парламентарните избори кога демократското мнозинство во Конгресот ќе биде доведено во прашање.

Од почетокот на летото, Самерс е трет висок функционер во економската екипа на Обама кој се откажува од својата функција. Пред него тоа го направија шефот на канцеларијата за буџет, Петер Орсаг, кој стана уредник во „Њујорк тајмс“ и втората советничка на Обама, Кристина Ромер, која исто така се врати на факултет.

Самерс беше еден од главните архитекти на планот на економско заздравување на САД и финансискиот пакет тежок 787 милијарди долари, кој беше објавен во март минатата година.

Самерс беше главен економист во Светската банка, а за време на мандатот на Бил Клинтон беше министер за финансии./крај/хи/фф