Свет
Опколените борци на Ал Каеда успешно ги одбиваат нападите на јеменската армија
Јеменските борци на Ал Каеда кои се опколени во селото Хавта на југот на Јемен и натаму успеваат да ги одбијат постојаните напади на владините сили поддржани од тенкови и артилерија, кои се обидуваат повторно да го заземат местото, јавува Асошиејтед прес
Јеменските борци на Ал Каеда кои се опколени во селото Хавта на југот на Јемен и натаму успеваат да ги одбијат постојаните напади на владините сили поддржани од тенкови и артилерија, кои се обидуваат повторно да го заземат местото, јавува Асошиејтед пресИлјадници луѓе веќе избегале од селото и од околината во провинцијата Шабва откако владините сили ја започнаа опсадата на селото пред три дена. Операцијата е сигнал за зголемениот интензитет на владината кампања, поддржана од САД, за искоренување на локалниот огранок на терористичката мрежа, позната како „Ал Каеда од Арапскиот полуостров“.Локални функционери соопштија дека најмалку четворица борци на Ал Каеда и еден цивил загинале од саботата наваму, додека медицински извори велат дека во борбите до сега се ранет најмалку деветмина војници. Преку 20 осомничени милитанти се заробени.Владината операција, која има за цел да ја уништи терористичката ќелија која брои 120 луѓе започна по серијата напади на оваа група врз контролните пунктови и истурените позиции на јеменските сили за безбедност. Воени извори велат дека терористите користат снајперски оган и нагазни мини за да ги одбијат владините сили, што ги присилува да ја променат тактиката.Владата на Јемен веќе подолго време се обидува да се избори за контрола врз областите на југот на земјата , кои сега ги контролираат моќните племиња, од кои некои се блиски до Ал Каеда и други исламистички милитанти кои оперираат во регионот. Јемен е најсиромашната држава во арапскиот свет и е оптоварена и со други внатрешни безбедносни закани, како што се постојаните бунтови на северот на земјата и сепаратистичкото движење на југот, кое нема врска со исламските милитанти. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.