Претседателот на Венецуела Уго Чавез ги повика народите од Алба, Анти-либералниот латиноамерикански блок и од Унасур, Унијата на јужноамерикански држави да го заштитат еквадорскиот претседател Рафаел Кореа.

Претседателот на Венецуела Уго Чавез ги повика народите од Алба, Анти-либералниот латиноамерикански блок и од Унасур, Унијата на јужноамерикански држави да го заштитат еквадорскиот претседател Рафаел Кореа.

Еквадорски полицајци кои -демонстрираат против намалување на работничките права, насилно влегоа во зградата на парламентот во Кито, пренесоа локалните медиуми.

Претседателот на земјата Рафаел Кореа се судри со најголемата криза во својата политичка кариера.

Портпаролот на парламентот изјави дека зградата била окупирана од полицајци – демонстранти против новиот закон со кој се намалуваат бонусите на платите.

Упадот на парламентот следеше по протестите по улиците во неколку други градови во Јужноамериканската земја.

Во меѓувреме, армијата ја окупираше патеката на главниот меѓународен аеродром во главниот град Кито , има прекин на летовите и прогласена е вонредна состојба во земјата.

Организацијата на американските држави (ОАС) свика вонредна седница за да биде решена  ситуацијата во Еквадор, соопшти панамериканската организација во соопштението.

Состанокот на постојаниот совет на ОАС треба да се одржи во Вашингтон.

Претседателот на Перу , Алан Гарсија нареди затворање на границите со соседен Еквадор и предложи Самит на јужноамерикански држави од Унасур за поддршка на претседателот Кореа.

Самиот Кореа го отфрли “обидот за удар” врз неговата влада и плашејќи се за својот живот побара засолниште во болница.

„Ова е обид за удар, предводен од опозицијата и од некои делови на вооружените сили и полицијата”, рече Кореа пред локална телевизија. /крај/бгн/ит