Свет
Односите помеѓу Русија и Белорусија се на најниско ниво до сега

Односите помеѓу Русија и Белорусија се на најниско ниво до сега, но Русија ќе ги задржи политичките контакти со Белорусија, изјави денеска шефот на прес-службата на претседателот Дмитри Медведев, пренесува Риа Новости
Односите помеѓу Русија и Белорусија се на најниско ниво до сега, но Русија ќе ги задржи политичките контакти со Белорусија, изјави денеска шефот на прес-службата на претседателот Дмитри Медведев, пренесува Риа Новости„Обидите на белорускот претседател Александар Лукашенко да освои уште еден претседателски мандат со употреба на анти-руска реторика им наштетија на неговите лични односи со руските власти“, изјави Наталија Тимакова и додаде дека односите повеќе никогаш нема да се вратат на нивото на кое беа порано. Претседателот Медведев во својот видео блог постиран во неделата, го критикуваше Лукашенко поради тоа што се обидува да ја претстави Русија како главен непријател на Белорусија во очи на претседателските избори кои треба да се одржат на 19 декември. „Белоруското раководство секогаш го карактеризирало желбата да создаде слика во јавноста за надворешни непријатели. САД, Европа и западните земји како такви ја играа улогата на такви „непријатели“ во минатото. Сега на Русија и е редот да биде непријател “, вели Медведев во својот блог. Во политичките кругови и во двете земји се проширија гласини дека Москва, која традиционално го подржува бившиот директор на земјоделска задруга, би можела овој пат да го поддржи противкандидатот на Лукашенко. Лукашенко, од своја страна, изрази увереност дека ниту Кремљ, ниту западот ќе вршат притисок врз подготовката на предизборните анкетите.Рускиот политички експерт Дмитри Бадовски, пак, вели дека блогот на Медведев е дрзок, но не и неочекуван одговор на наменската политика на белорускиот претседател. „Лукашенко има единствена цел да биде повторно избран и поради тоа маневрира помеѓу двете страни. Наскоро тој повторно ќе се биде да се спријатели со Москва“, смета Бадовски. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заводот за трансфузија во Блеград: Има доволно крв за повредените во пожарот во Кочани

Како што истакнуваат од српскиот завод за трансфузија на крв во Белград, резервите на крв во моментов се стабилни и доколку има потреба од трансфузија на пациентите кои беа повредени во пожарот во дискотеката во Кочани, а кои беа пренесени во Белград и моментално се во Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди, крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од институтот за трансфузија на крв.
Како што наведе таа, Заводот за трансфузија на крв во моментов има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника, бидејќи доколку има потреба ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.
Регион
„Во такви моменти нема граници – само човечка болка, жалиме со нашите браќа Македонци“, бугарските партии изразија сочувство

Бугарските политички партии изразија сочувство до „браќата Македонци“ на Денот на националната жалост, прогласен од Министерскиот совет во Бугарија во знак на солидарност со трагедијата во градот Кочани, Република Северна Македонија, во која загинаа 59 лица, а над 155 беа повредени во пожар во дискотеката „Пулс“ на 16 март, пренесе БГНЕС.
„Бугарија ја споделува тагата и тагата на Северна Македонија по трагичната смрт на 59 лица во Кочани. Во овој тежок момент за нашите најблиски соседи, остануваме солидарни во целосна поддршка на македонскиот народ“, соопштија од коалицијата Демократска Бугарија на социјалните мрежи.
Партијата Вазраждане напиша: „Денеска е ден на жалост и солидарност со нашите браќа во Македонија. Господ да ги прости невините млади души!“
И од „Има таков народ“ изразија најискрено сочувство за трагедијата во Кочани. „Ние тагуваме заедно со нашите браќа Македонци“, велат од партијата на Слави Трифонов.
„Денеска Бугарија е во жалост! Жалиме заедно со нашите браќа и сестри од Кочани и изразуваме длабоко сочувство за семејствата на загинатите во трагичниот пожар. Во такви моменти нема граници – само човечка болка и поддршка што можеме да ја дадеме. Почит кон споменот на жртвите“, стои во ставот на партијата „Величие“.
Премиерот на Бугарија Росен Жељазков го прогласи 18 март за Ден на национална жалост како израз на солидарност со „нашиот најблизок сосед на Балканот – Република Северна Македонија, во врска со трагичниот инцидент во градот Кочани, во кој загинаа 59 лица, а над 150 беа повредени во пожар во дискотека“.
14 од повредените се пренесени во медицинските установи во Бугарија – во Софија, Пловдив и Варна.
„Во такви моменти најважно е да се покаже навремена емпатија и солидарност. Бугарија е подготвена да прифати уште жртви“, изјави вчера премиерот Жељазков.
Претходно денеска шефот на бугарската држава, кој се потпиша во книгата на жалост во Амбасадата на Република Северна Македонија во Софија, најави дека Бугарија може да прифати повеќе жртви доколку на Скопје му треба поголема медицинска помош, уверувајќи дека медицинските тимови се подготвени.
Свет
Зеленски се огласи неколку часа пред разговорот меѓу Путин и Трамп

Во пресрет на денешниот телефонски разговор меѓу Путин и Трамп украинскиот претседател Володимир Зеленски рече дека „Путин продолжува да ја одложува оваа војна“.
„Веќе една недела Путин не може да каже ‘да’ на предлогот за прекин на огнот“, рече Зеленски. Зеленски додаде дека американскиот предлог за 30-дневен прекин на огнот се залага за спасување животи дозволувајќи им на дипломатите да работат на обезбедување безбедност и траен мир – предлог што Русија го игнорира“.
„Секој ден од војната е прашање на човечки животи“, напиша Зеленски на социјалната мрежа Х повикувајќи на притисок врз Москва да ја прекине војната.