Свет
Околу 2,5 млрд. долари се вртат во нелегална трговија со оружје

Приближно 2,5 милијарди долари се вртат на нелегалниот пазар на оружје, а меѓународни терористичките организации се повеќе настојуваат да остварат пристап до оружје за масовно уништување.
Приближно 2,5 милијарди долари се вртат на нелегалниот пазар на оружје, а меѓународни терористичките организации се повеќе настојуваат да остварат пристап до оружје за масовно уништување.
Ова денеска го изјави секретарот на Советот на безбедност на Русија Николај Патрушев на меѓународниот собир на претставници на националната безбедност од 44 држави, што се одржува во рускиот град Сочи.
„Екстремистите и терористичките групи со цел да стигнат до нелегално оружје во својата мрежа вклучуваат и корумпирани чиновници и трговци со оружје, кои што им овозможуваат легалност на таквите зделки“, рече Патрушев.
Тој посочи дека тргувањето со нелегално оружје е најизразено во државите во кои е воведено ембарго за тргување со оружје, пренесе Итар-Тасс.
Патрушев укажа и дека за набавка на оружје најчесто се користат пари од криминално потекло, како што е нелегалниот промет со наркотици.
„Како резултат на овие појави создаден е феномен на глобалниот тероризам, кој што не познава државни граници, а современите терористички организации се интернационални според составот“, изјави Патрушев. /крај/т/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Судот на правдата на ЕУ: Изгубен миленик на лет се смета како изгубен багаж

Судот на правдата на Европската унија донесе одлука дека домашните миленици кои се превезуваат со авион се сметаат за „багаж“, а не за патници.
Одлуката следи по случај во кој куче исчезнало при пренос до авион на лет од Буенос Аирес до Барселона, по што сопственичката побарала 5.000 евра отштета.
Судот оцени дека, според Монреалската конвенција, авиокомпанијата не е должна да исплати поголема отштета од онаа предвидена за изгубен багаж, освен ако патникот претходно не доставил специјална изјава за вредноста на пратката.
Во одлуката учествувале и двајца претставници од Хрватска – судијата Синиша Родин и адвокатката Тамара Ќапета.
Свет
Евакуирано средно училиште во Италија по истекување на амонијак

Во италијанскиот град Пескара беше евакуирано државното средно училиште „Маркони“ откако во просториите се почувствувал силен мирис од непознато потекло, поради што на многумина им се слошило.
Според италијанските медиуми, повеќе од 1.000 ученици биле итно евакуирани, а неколкумина се хоспитализирани, меѓу нив и пожарникари кои пристигнале на интервенција, пренесе „ТВ Раи“.
Првичните информации укажуваат дека причината најверојатно е истекување на амонијак од лабораторијата, иако не се исклучува ниту можноста за цурење гас од климатизацијата.
Заменичката градоначалничка на Пескара, Марија Рита Карота, нареди итно затворање на училиштето до понатамошна проверка.
Свет
Мерц: Без реформи, Европа ќе стане пиун на Азија и САД

Германскиот канцелар, Фридрих Мерц, предупреди дека Европската унија ризикува да ја изгуби својата економска независност ако итно не спроведе реформи за зголемување на конкурентноста.
Во обраќање пред германскиот парламент, во пресрет на самитот на ЕУ во Брисел, Мерц рече дека во наредните години ќе се решава дали Европа ќе остане независна економска сила или ќе стане „пиун на економските центри во Азија или Америка“.
Тој ја повика ЕУ да го намали бирократскиот товар за компаниите, да го зајакне единствениот пазар и да потпише нови трговски договори, особено со јужноамериканскиот блок Меркосур до крајот на годината.
Мерц се соочува со растечки притисок дома поради економската стагнација во Германија, која се влошува поради царинските политики на американскиот претседател Доналд Трамп.
Тој истакна дека решенијата за европската економија веќе постојат во извештаите на Марио Драги и Енрико Лета, кои предлагаат продлабочување на внатрешниот пазар и јакнење на конкурентноста, додавајќи дека тие препораки треба веднаш да станат дел од агендата на Европската комисија.