Свет
ЕК ќе го испитува недостигот на медицински персонал во 2020 година

Земјите членки на ЕУ ќе доживеат драматичен недостиг на медицински персонал во текот на 2020 година, доколу не бидат преземени мерки за да се направи оваа професија попривлечна, особено во новите земји членки, велат од Европската комисија (ЕК).
Земјите членки на ЕУ ќе доживеат драматичен недостиг на медицински персонал во текот на 2020 година, доколу не бидат преземени мерки за да се направи оваа професија попривлечна, особено во новите земји членки, велат од Европската комисија (ЕК).
„Ако ништо не се промени, според нашите податоци ќе има недостиг од еден до два милиони квалификувани вработени во здравствениот систем во Европа во 2020 година“, предупреди Катја Неубауер експерт од ЕК.
Според податоците ЕУ ќе има недостиг од 600.000 медицински сестри и 230.000 лекари.
„Во најлош случај тоа значи дека 15 отсто од потребната нега нема да биде дадена на пациентите“, рече уште Неубауер.
Таа посочи дека последиците најмногу ќе бидат чувствителни во новите земји членки кои имаат низок стандард на живот, во кои медицинските службеници ги напуштаат здравствените домови.
Европските земји треба да ги подобрат работните услови во здравството, бидејќи тоа се одразува на квалитетот на грижата, истакна швајцарската експертка Кристијане Висков. /крај/бгнес/мт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско, кој беше хоспитализиран поради пневмонија, преку писмо повика на прекин на војните и на дипломатски решенија за конфликтите.
Во писмото до весникот „Кориере дела сера“ папата рече дека неговата долга болест му помогнала да му стане уште појасна апсурдноста на војната и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска, Бакингемската палата потврди дека кралот Чарлс ќе се сретне со папата Франциско меѓу 7 и 10 април и покрај болеста на католичкиот водач.
Папата (88) беше примен во римската болница „Гемели“ на 14 февруари со тешка респираторна инфекција и оттогаш не е виден во јавноста, пренесува „Танјуг“.
Регион
Во хрватскиот Сабор едноминутно молчење за загинатите во Македонија

Хрватскиот Сабор, денеска, со едноминутно молчење им оддаде почит на 59-те лица што завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието, Гордан Јандроковиќ.
Во пожарот што завчера избувна во „Пулс“ во Кочани загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп – Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека многу елементи од мировниот договор во Украина се веќе договорени со неговиот руски колега.
Во своето ноќно обраќање во понеделникот украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој додавајќи дека „секој ден во време на војна значи човечки животи“.