Свет
Училиште платило 610.000 долари казна за шпионирање на ученици

Училиште од Филаделфија платило 610.000 долари поради тајно снимање на фотографии на учениците кои го користеле училишниот лаптоп, пренесува “Хуфингтон пост“ (The Huffington post).
Училиште од Филаделфија платило 610.000 долари поради тајно снимање на фотографии на учениците кои го користеле училишниот лаптоп, пренесува “Хуфингтон пост“ (The Huffington post).
Управата на училиштето признала дека снимила повеќе од 1.000 фотографии преку веб камерата за да може да ги лоцира компјутерите кои недостасуваат.
Бејк Робинс, еден од учениците кој тогаш имал 15 години, поднел тужба против училиштето бидејќи користело шпионска технологија. Тој бил снимен додека бил дома, а доказите покажале дека во текот на две недели му направиле околу 400 фотографии.
„На некои фотографии Блејк бил снимен како спие во својата соба“, рекол неговиот адвокат Марк Халцман.
Робинс побарал 175.000 долари отштета , а останатите ученици кои покренале тужби против училиштето добиле по 10.000 долари. Најмногу пари од ова шпионирање заработил заедничкиот адвокат на учениците, дури 425.000 долари./крај/тхехуффингтонпост/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.