Свет
Најстариот син на Ким Јонг Ил се спротивстави на префрлањето на власта

Најстариот син на севернокорејскиот лидер Ким Јонг Ил и голем вљубеник во казината, Ким Јонг Нам, изјави дека е против наследниот трансфер на власта кон неговиот помлад полубрат, пренесува Асошиејтед прес
Најстариот син на севернокорејскиот лидер Ким Јонг Ил и голем вљубеник во казината, Ким Јонг Нам, изјави дека е против наследниот трансфер на власта кон неговиот помлад полубрат, пренесува Асошиејтед прес
Иако неговото неодобрување не изненадува, ова е прв јавен знак на дисхармонија во целосно кореографираната транзиција на власта во Северна Кореја, велат познавачите.
„Јас сум против третата генерација на наследување на власта, но мислам дека има внатрешни фактори и ние мораме да се однесуваме според нив“, вели 39-годишниот Нам во интервјуто дадено во Пекинг за јапонската телевизија „Асахи“. Тој додава дека се надева оти неговиот помлад брат ќе стори се што може за да донесе изобилство во животите на Севернокорејците и дека е подготвен да помогне од странство.
Ким Јонг Нам е најблиску од сите Севернокорејци до она што може да се нарече „плејбој“. Иако го има семејниот голем стомак, тој сака да се облака во скапи дизајнерски костуми и чевли и е еден од најчестите посетители на коцкарниците во Макао. За разлика од неговите бедни сограѓани, нам слободно шета по светот, најчесто во Пекинг. Во 2001 година тој го посрами татко му целото раководство на земјата, кога го фатија со лажен пасош при обидот да влезе во Јапонија. Тој тогаш рече дека сакал да го посети Дизниленд.
Нам нема никаква, ниту политичка, ниту воена поддршка во својата земја и затоа не се очекува неговата изјава да има поголем ефект.
Неговиот најмлад брат, Ким Јонг Ун, за кого се претпоставува дека има 26 години, неодамна беше промовиран во генерал со четири ѕвездички и беше поставен на висока политичка функција.
Аналитичарите на Северна Кореја велат дека неговиот избор за наследник е сигурен, затоа што ја има поддршката на моќната армија, чии генерали сметаат дека неговата младост и неискуство го прави подложен на лесни манипулации со него.
За третиот или средниот син на Ким Јон Ил, Ким Јонг Чол, се знае многу малку, освен дека студирал во Швајцарија и дека е голем обожавател на американската професионална кошарка. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.