Свет
12-годишно момче се бори за животот откога другар му го застрелал со пиштол на својот татко во Германија

12-годишно момче од Ирслинген, Германија, четири недели се бори за животот откога неговиот 14-годишен другар го застрелал во левото око со пиштолот на татко му.
Инцидентот се случил на 15 декември кога Демијан дошол во куќата на својот другар Тим во Дитинген, каде што очигледно избувнала расправија. Постарото момче на Демијан му го вперило пиштолот што, како што самиот вели, татко му го чувал во куќата.
Според истрагата, Тим го застрелал Демијан во левото око. Исто така, сериозно му е оштетен и оптичкиот нерв на десното око поради што лекарите претпоставуваат дека момчето ќе ја изгуби способноста за гледање на двете очи.
„Тој се разбуди од кома и реагира“, напиша Кристина Брејнлингер, семејна пријателка, на страницата GoFundMe.
„Неговата ситуација е толку страшна што не може да ги отвори очите, не го разбира тоа“, додала Кристина, според „Билд“.
Во меѓувреме, 14-годишниот Тим е во притвор за обид за убиство, а татко му е под истрага за поседување огнено оружје на непрописно и небезбедно место.
Државното обвинителство покрена постапка против таткото и неговиот син за непочитување на законот за оружје и нанесување тешки телесни повреди.
Родителите на малиот Демијан постојано четири недели биле со момчето во болница и му давале поддршка. Нивниот најголем страв во моментот е дека Демијан ќе биде зависен од други луѓе до крајот на својот живот бидејќи ќе остане слеп.
Пријателите упатија апел да се соберат средства за помош на семејството и помош за покривање на болничките трошоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.