Продолжува рашомонијадата околу ексклузивниот комплекс што се гради на местото на кампингот

Продолжува рашомонијадата околу ексклузивниот комплекс што се гради на местото на кампингот

Во планот од 1998 немало ни профитен објект, ни апартмани, туку само катна гаража

БИЛЈАНА АНГЕЛОВСКА

Апсолутно сум против изградба на каков било објект на местото на некогашниот кампинг, бидејќи така се случува агресија врз просторот каде што треба да има само зеленило, со оглед на тоа што станува збор за дел од Градски парк. На местото градски архитект сум неполни две години и кога стапив на функција, затеков веќе започната градба на сутерен и приземјееи, вели главниот архитект на Скопје, Зоран Тониќ, категорично отфрлајќи и најмал дел од одговорноста за постоењето на комплексот зад стадионот, која недвосмислено му беше наметната од Општина Центар.

Тониќ појаснува дека веднаш од надлежните општински органи побарал да му биде доставена на увид целокупната документација од која би можело да се види и намената на објектот, меѓутоа тоа не е сторено до денес. ?Сў е во надлежност на општината, особено што и мислењето кое го дава Градот при изготвувањето на детаљните планови не е обврзувачко за изготвувачот. Од друга страна, пак, локалната самоуправа не е законски обврзана да го дава проектот на главниот архитект и тоа го прави ако сакааи, вели Тониќ и додава дека за конкретниот ДУП од страна на градските органи биле дадени повеќе забелешки за кои се инсистирало да се вградат во него, а потоа, така коригираниот план одново да се достави на разгледување. Но, општинарите и тоа не го сториле. ?Со одбивањето да ми се даде на увид документацијата за објектот, очигледно од Општина Центар не сакаа да дојдам до одредени податоци. Сега прават обиди да ја префрлат одговорноста. Категорично тврдам дека од мене не е побарано ниту мислење, ниту согласност за објектот, ниту, пак, ми е доставен проектот на увид, иако го барав тоа во повеќе навратиии, додава Тониќ.

Според првиот архитект на Скопје, првото нарушување на просторот е направено уште со стариот план од 1996 година кога на локација со зеленило е предвидено да се гради колективен паркинг на ниво на теренот. Потоа, тоа е сменето во катна гаража, а во идната фаза е додадена и функцијата хотел. ?Тоа што го добивме подоцна на разгледување од Општина Центар е комерцијално-деловен простор и хотел и нема ни трага од катна гаража. Што се случувало во меѓувреме, знаат единствено во Центарри, вели Тониќ.

Одговорните од Општина Центар, пак, отфрлаат секаква одговорност за изградбата на комплексот, бидејќи, како што тврди раководителот на одделението за урбанизам, Соња Марковска, за објектот е дадена согласност од сите надлежни институции од локалната, градската и од државната власт. ?Инвеститорот ги поминал сите институции за да ги добие неопходните одобренија, почнувајќи од тоа за сечење на дрвјата до дозволите за приклучоциии, вели Марковска. Оттаму додаваат и дека објектот е дело на поранешниот градоначалник на општината, Мирослав Грчев, кој, всушност, е автор на ДУП за Градски парк од 1998 година во кој е предвидена градбата. Но, Грчев е категоричен дека во тој план била предвидена само катна гаража, која со еден дел навлегува во трибината, со променлива катност и капацитет за околу 1.200 возила. ?Тоа требаше да биде објект од јавен интерес и да го реши сообраќајниот проблем во тој дел, со можност евентуално 5-10 проценти од површината да отпадне на хотел за спортисти. Тогаш не се ни помислуваше за некаков профитен објект или за апартмани. Во меѓувреме е сменета планската основа, а одговорноста за тоа е кај оние што го направиле тоааи, вели Грчев.

Инвеститорот на градбата, Борче Ристевски, вели дека објектот се гради веќе четири години и досега никој немал никакви забелешки за ништо. Поседува комплетна документација со која се потврдува дека ги има платено давачките кон Градот и општината. ?Исечени се 20 дрвја од кои десет беа целосно исушени и само по таа основа на Градот му се платени околу 150.000 евра. Но, имаме обврска по завршувањето на изградбата да се засадат нови саднициии, вели Ристевски. Што се однесува до пренамената на објектот во станбен комплекс со ексклузивни апартмани, Ристевски појаснува дека само едно крило од комплексот ќе биде апартмански простор од висока делукс-категорија од типот на ?Еуротелли во Струга и тие ќе им бидат понудени на сите амбасади и дипломатски претставништва да престојуваат и да ги обавуваат своите функции. Тие ќе имаат посебна служба за обезбедување и сопствена рецепција. Во другиот дел од комплексот е предвидена изградба на 80 апартмани наменети за спортистите кои ќе доаѓаат во Скопје, а преостанатиот дел ќе бидат деловни простории и канцеларии наменети за претставништва на реномирани странски фирми. Понудата за продажба на апартмани преку агенцијата ?Асторијааи, според Ристевски, всушност, е недоразбирање меѓу агенцијата и германскиот партнер во инвестицијата, бидејќи никогаш не била планирана продажба на апартманите како станови.