Свет
14 работници исчезнаа во поплавен тунел во Кина

Тунел во изградба на југот на Кина е поплавен, а нуркачки екипи се испратени на местото на настанот да бараат 14 работници кои се водат како исчезнати, соопштија денеска кинеските власти.
Локалните власти потврдија дека нивото на водата паднало за околу 11 метри, и дека покрај нуркачите, биле испратени и тимови со роботска опрема за активности под вода за спасување во потрага по исчезнатите, објавија властите.
„Водата од тунелот се испумпува, а спасувачите успеаја да пробијат околу 600 метри во внатрешноста на тунелот што е на далечина околу половина километар од местото каде исчезнаа работниците“, велат властите.
Поплавата започна во четвртокот околу три ипол наутро, веднаш откако навлезе вода, беше наредена евакуација на работниците, но 14 од нив останаа заробени во тунелот.
Засега не е позната причината за поплавата, но истрагата е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пленковиќ: Хрватска не тргува со оружје и воена опрема со Израел

Хрватскиот премиер, Андреј Пленковиќ, денеска негираше дека Хрватска тргува со оружје со Израел, одговарајќи на барањето на хрватскиот претседател Зоран Милановиќ до владата да престане да тргува со оружје и воена опрема со таа земја.
Кога беше замолен да ја коментира изјавата на Милановиќ, Пленковиќ рече дека „нема трговија со оружје и воена опрема со Израел“, пренесува ХИНА.
Хрватското Министерство за одбрана во саботата објави дека официјален Загреб во моментов не набавува оружје за хрватската армија од Израел.
Свет
Силна бура погоди неколку области на Кина

Поројни дождови и бури погодија неколку области на Кина во текот на викендот, предизвикувајќи евакуација на над 300 жители во областите на градот Жаокинг во јужната покраина Гуангдонг и уривање на десетици патишта, објавија денеска кинеските медиуми.
Во таа област се урнаа 54 патишта, а издадени се предупредувања за зголемен ризик од поплави, објави агенцијата Синхуа.
Според метеоролозите, во градскиот округ Нанфенг се забележани рекордни врнежи од дожд од 258,7 милиметри.
Свет
Полска ги продолжи граничните контроли со Литванија и Германија до 4 октомври

Граничните контроли со Германија и Литванија што Полска ги воведе во периодот од 7 јули до 5 август ќе бидат продолжени до 4 октомври, објави денес полското Министерство за внатрешни работи.
Според полскиот министер за внатрешни работи, Марчин Кјервински, причината за ова е континуираната загриженост за нелегалната миграција, објавува „Еуроњуз“.
Зголемените безбедносни мерки ја направија рутата низ Белорусија и Русија во голема мера непроодна, поради што мигрантското движење сè повеќе се движи кон други земји од ЕУ, особено Литванија и Латвија, според „Еуроњуз“.