Свет
Газдата на "Фокабо" си нарачал пожар

Борче К., сопственикот на приватната фирма “Фокабо”, вторпат нарачува пожар, по оној лани кога му изгореа деловни простории во центарот на Скопје, а полицијата го сомничи и за пукање од пиштол и трговија со мари
РАСВЕТЛЕНА ЕКСПЛОЗИЈАТА ВО 11-КАТНИЦАТА ВО СКОПСКАТА НАСЕЛБА ЖЕЛЕЗАРА КОГА ЗАГИНА 24-ГОДИШНО МОМЧЕ
Борче К., сопственикот на приватната фирма “Фокабо”, вторпат нарачува пожар, по оној лани кога му изгореа деловни простории во центарот на Скопје, а полицијата го сомничи и за пукање од пиштол и трговија со мари
Газдата на приватната фирма “Фокабо” Борче К. бил нарачател на пожарот во скопската населба Железара во вторникот, кога загина 24-годишно момче.
Пожарот детаљно го испланирал Борче, заедно со сопственикот на шивалницата “Планика мода” Владимир Л., која се наоѓа во еден од дуќаните во приземјето на 11-катната зграда на улицата Коце Металец.
Неколку дена пред да биде запален дуќанот, Борче конфекциската стока која ја чувал во магацинот ја осигурал на 13 милони и 600 илјади денари. Ден пред пожарот, Борче и Владимир заминале во странство. Тие го најмиле Зоран Ангеловски да го потпали дуќанот.
Во вторникот околу 5 часот изутрината Ангеловски, заедно со Златко О. пристигнале пред дуќанот. Ангеловски ја скршил влезната врата и влегол во шивалницата, а за тоа време Златко чувал стража во автомобил на паркингот пред зградата.
Ангеловски го потурил подот на шивалницата со течност и со запалка ја потпалил. Но во шивалницата имало две канти со бензин кои по неколку секунди експлодирале. Ангеловски не успеал да излезе од шивалницата. Другар му Златко избегал од местото на настанот, а Ангеловски, како што кажуваат соседите, се обидувал да излезе од просториите на запалената шивалница, но пред самата врата паднал. Поради големиот пламен и чад никој не можел да му помогне и да го извлече од опожарениот дуќан.
Нарачателите на пожрот и Златко О. се во бегство.
Лани во август во просториите на “Фокабо” во центарот на Скопје, исто така, имаше пожар. Тогаш полицијата соопшти дека бил подметнат. Идентично како пожарот во Железара, и овој бил подметнат во раните утрински часови. Бил скршен цилиндарот од влезната врата и бил потпален дуќанот во зградата на “Трготекстил”. Изгореле само неколку деловни простории оти пожарникарите навреме го локализирале. За овој пожар никој не одговараше на суд.
Борче К. и е познат на полицијата уште од 2002 година. Тогаш во фабриката за конфекција “Фокабо”, која се наоѓала на улицата Мито Хаџивасилев Јасмин во центарот на Скопје, Борис со пиштол пукал во канцелариите со намера да ги принуди вработените да му ги отстапат акциите. Испуканиот куршум завршил во папките со канцелариски материјал. Тогаш Борче беше притворен, но со кауција излезе од затвор, а беше осомничен за кривично дело: предизвикување општа опасност.
Директорот Борис К. истата година беше фатен од полицијата со поголемо количество марихуана која беше најдена во негова вила во Катланово. Тој се уште вешто ги избегнува судските рочишта.(К.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.
Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.
Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.