Свет
Четири години затвор за Војо Михајловски
По една година, заврши судењето за поранешниот директор на Фондот за здравство
По една година, заврши судењето за поранешниот директор на Фондот за здравство
Другите шестмина добија казни од 10 месеци до три години
ЉУБИША СТАНКОВИЌ
Поранешниот директор на Фондот за здравство и генерален секретар на ВМРО-ДПМНЕ, Војо Михајловски, вчера во Основниот суд Скопје 1 е осуден на четири години затвор поради злоупотреба на службената должност и овластување. На по три години затвор судот ги осуди сопствениците на фирмите „Атлантик комерц" и „Атлантик", браќата Љупче и Звонко Трпковски. Ексдиректорите на медицинските центри во Гевгелија, Велес и во Кавадарци – Слободанка Шуклева, Оливер Зографски и Блашко Клинчаров добија по десет месеци затвор, а со иста казна е осуден и Илија Јаќовски, поранешен заменик-генерален директор на „Алумина".
Со изрекувањето на затворските казни судот донесе и решение со кое треба да се изврши запленување на имот од физички и правни лица и да се изврши обесштетување на Фондот за здравство. Така, согласно со пресудата, од фирмите на осудените Љупче и Звонко Трпковски треба да се изврши запленување на 42 милиони денари. Запленување ќе треба да биде извршено и од фирмата „Алумина" во износ од три милиони денари. Од „Битола промет" ќе бидат запленети малку повеќе од 24 милиони денари, од „Ветфарм трејд" 80 милиони денари, од „Виор росфрај" 13 милиони денари, од прилепски „Полимод трејд" 2,1 милион, од „Медицинска пластика" 40 милиони денари, од фирмата „Мепринг" 4,4 и уште 2,2 милиона од фирмата „Винора". Вкупниот збир на сумите го надминува износот од 250 милиони денари, односно може да се очекува Фондот за здравство да се обесштети за четири милиони евра, за колку што и е оштетен, според мислењето на претставникот на оваа државна институција. Покрај затворските казни и обесштетувањата, судот ги обврза осудените, заеднички, да ги покријат и трошоците за постапката.
Непосредно пред изрекувањето на судската пресуда Војо Михајловски во судот дојде во придружба на своите двајца бранители, но околу него можеше да се види поголема група граѓани кои, најверојатно, беа дојдени да му изразат поддршка, а дел од нив влегоа и во судницата, која беше претесна да ги прими сите заинтересирани. Во публиката можеше да се забележи и пратеникот на ВМРО-Народна партија, Георги Трендафилов.
Процесот на кој се судеше еден висок претставник на претходната владејачка гарнитура траеше точно една година. Судењето на Михајловски почна на 22 март минатата година и уште на стартот бранителите на Михајловски, адвокатите Јово Вангеловски и Саво Коцарев, побараа спојување на сите постапки што се водат против нивниот клиент, но на нивниот предлог се спротивстави застапникот на обвинението. Некако во исто време против Војо Михајловски беа започнати уште четири судења кои, исто така, се однесува на злоупотреби што Михајловски ги сторил во текот на неговото директорување со Фондот за здравство. Во меѓувреме, Михајловски тактизираше со ангажирањето на бранителите, за кусо време потоа тој да изјави дека сите тие силни судења и рочишта го исцрпуваат и физички и психички. Тој извесно време помина и на Клиниката за токсикологија откако со консумирање лекарства и алкохол се обиде да си го одземе животот. Неуспешниот обид за труење уследи само кратко време по дијагнозата што му ја одреди неговиот лекар, односно дека тој боледува од агитирана манична симптоматологија.
Михајловски, за среќа, ги преброди кризите и судењето продолжи непречено како еден единствен предмет, откако ваков предлог до судот даде токму Јавното обвинителство.
Вчера, по изрекувањето на пресудата, бранителите на Војо Михајловски изразија несогласување со висината на казната. Јово Вангеловски рече дека пресудата, која не сака да ја коментира, ќе биде обжалена до повисокиот суд, а Саво Коцарев и натаму опстојува на своите тврдења дека во случајот на Војо Михајловски нема дело и дека ваквата пресуда ќе биде укината од Апелациониот суд во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мадона ги поддржа демонстрантите во Иран: „Ја земаме слободата здраво за готово“
Мадона ја изрази својата поддршка за народот на Иран, велејќи им да се „држат цврсто“.
Во објава на Инстаграм, 67-годишната музичарка сподели видео од себе како јава коњ низ пустината во Мароко, поврзувајќи ја сопствената слобода со борбата на демонстрантите во Иран. Мадона е една од ретките светски ѕвезди кои јавно ги поддржуваат протестите.
„Држете се цврсто… Не можам да смислам порелевантна фраза од оваа додека влегуваме во Годината на Огнениот коњ! Додека размислувам за моето време во Мароко за време на празниците, мислам на сите луѓе во Иран кои се борат во многу потребната револуција и се подготвени да умрат за она во што веруваат“, започна Мадона.
„Толку многу работи земаме здраво за готово. Вклучувајќи ме и мене. Слободата да патувам низ светот. Да носам што сакам. Да јавам коњ низ пустината. Да зборувам слободно и да не бидам замолчена од казни, тортура и можна смрт. Да пеам. Да танцувам. Да го изберам својот духовен пат, а не туѓиот… Жените во Иран немаат таа слобода. Јас сум со нив“, продолжи таа.
Таа ја заврши својата порака со зборовите: „Народот на Иран со векови не ја познава слободата. Не можам да тврдам дека навистина го познавам страдањето што е претрпено, но моите мисли и молитви се со народот на Иран. Времето е сега. Држете се цврсто! Јас сум со Иран. Нека се чујат нивните гласови… СЛОБОДЕН ИРАН!“
Протестите во Иран започнаа кон крајот на декември 2025 година поради наглиот пад на вредноста на валутата и лошата економска состојба, и се проширија во повеќе од 180 градови. Откако иранските власти го исклучија интернетот на 8 јануари, земјата започна со масовни убиства на демонстранти. Безбедносните сили започнаа невиден бран на насилство за да ги задушат демонстрациите што се ширеа низ целата земја.
фото/Depositphotos
Регион
Научник од Ровињ: Сите примероци од Јадранското Море што ги обработив имаа микропластика
Бројот на микропластични честички во Јадранското Море драматично се зголемува, понекогаш надминувајќи половина милион на квадратен километар. Научниците велат дека опасните хемикалии можат да влезат и во синџирот на исхрана преку него, објавува Dnevnik.hr.
Просечната концентрација на микропластика во Јадранското Море е околу 250.000 честички на км². Според мерењата на водите во Ровињ, бројот понекогаш достигнува 600.000.
„Досега, сите примероци што ги обработив имаа микропластика. Нема примерок што го обработив досега, а кој немал микропластика“, рече Виктор Стинга Перуско од Центарот за морски истражувања на IRB во Ровињ.
„Бројот постојано расте бидејќи имаме нов влез, додека се произведува пластика, можеме да бидеме сигурни дека оваа пластика ќе заврши во морето во одреден момент“, додаде тој.
Голем дел од влакната што се невидливи за окото доаѓаат и од домаќинствата. И со секое перење на машината за перење, додаваме уште малку. Влегува во организмите на рибите, а потоа и во нашите тела преку храната.
Влијанието врз здравјето, велат научниците, сè уште не е доволно истражено.
фото/Depositphotos
Свет
Зеленски предупреди: Русите подготвуваат нови, огромни напади врз Украина
Претседателот на Украина, Володимир Зеленски, изјави вечерва дека разузнавачките информации покажуваат дека Русија се подготвува за нови големи напади врз Украина.
„Некои од денешните задачи се насочени кон воздушната одбрана. Во моментов, разузнавачките информации покажуваат дека Русите се подготвуваат за нови масовни напади. Отворено разговараме со нашите партнери за ракети за воздушна одбрана, за системите што ни се толку потребни. Залихите се недоволни. Се обидуваме да ги забрзаме работите и важно е нашите партнери да нè слушнат“, рече Зеленски.
Тој додаде дека многу се прави на ниво на Министерството за одбрана на Украина и ги повика граѓаните да обрнат внимание на предупредувањата за воздушен напад.
Зеленски, исто така, во својот говор на 8 јануари предупреди за можен голем руски напад во текот на ноќта меѓу 8 и 9 јануари.
Таа ноќ, руските сили го погодија регионот Лавов со балистичка ракета „Орешник“, чии остатоци подоцна беа пронајдени од Безбедносната служба на Украина. Русите, исто така, го нападнаа Киев и регионот, каде што нивни главни цели беа станбени области и критична и транспортна инфраструктура.
фото/Depositphotos
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
Ја удирал по главата и телото, ја давел за вратот и скршил ребро: скопјанец осомничен за физички напад и загрозување на сигурноста на жена
Јавен обвинител од Основното јавно обвинителство Скопје поведе постапка против 51-годишен скопјанец за кого постои основано сомнение дека сторил кривично...
Mицкоски очекува добри вести во наредните денови од САД
Премиерот Христијан Мицкоски изјави дека очекува наскоро добри вести за македонските граѓани од САД. Тој појасни дека суспендирањето на визите...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство,...
Почината жена пронајдена во стан во Струга
Вчера во 17:50 часот во ОВР Струга е пријавено дека во стан во Струга е пронајдена почината А.М.(57) од кичевското...
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи...
Саудиска Арабија, Катар, Турција и Оман испратија предупредување до Трамп
Саудиска Арабија, Катар, Турција и Оман го повикаа американскиот претседател Доналд Трамп да не започнува воздушни напади врз Иран, стравувајќи...
(Видео) Кенеди за исхраната на Трамп: Не знам како е сè уште жив, јаде навистина лоша храна
Американскиот секретар за здравство и човечки услуги, Роберт Ф. Кенеди Џуниор, се осврна на навиките за јадење на Доналд Трамп,...
Венецуела најавува „нова политика“ и отворање на нафтените полиња за странски инвеститори
Привремената претседателка на Венецуела, Делси Родригез, во четвртокот претстави законодавна иницијатива насочена кон зајакнување на нафтената индустрија. Реформите ќе овозможат...
Нови израелски напади врз Газа: убиени членови на Хамас и Исламски џихад
Воен офицер на Хамас, полицаец од палестинското движење и милитант на Исламски џихад се меѓу најмалку десет лица убиени во...
Путин: Светот станува поопасен, ситуацијата на меѓународната сцена се влошува
Рускиот претседател Владимир Путин денес изјави дека меѓународната ситуација се влошила и дека светот станува поопасен, но не ја спомена...
Претреси на повеќе локации поради сомнежи за даночна измама од поголеми размери
Од попладнево, под раководство на јавен обвинител од Основно јавно обвинителство за гонење на организиран криминал и корупција (ОЈО ГОКК),...
Поддршка за новиот закон, пасивното пушење е докажана причина за сериозни болести, велат од Институтот за медицина на трудот
Институтот за медицина на трудот на РСМ, СЗО Колаборативен центар, како водечка јавно-здравствена установа во оваа област, изразува целосна и...
ИЈЗ: Нема потреба од продолжување на зимскиот распуст, грипот на ниво на средна активност
Во втората недела од 2026 година, состојбата со грипот во земјава се наоѓа на ниво на средна активност, со зголемен...
Муцунски: Одлуката на САД не значи крај за туристичките визи и „Ворк енд травел“ програмата
Министерот за надворешни работи, Тимчо Муцунски, појасни што значи одлуката на САД за стопирање на процесот на издавање на визи....
Двомесечно бебе почина во болницата во Кавадарци, телото е предадено на обдукција
Синоќа во ОВР Кавадарци е пријавено дека околу 21:35 часот на детското одделение во Општа болница Кавадарци починало бебе на...
„За почиста Македонија“ со петиција до Владата: казни и за фрлање отпад од автомобилите преку „Сејф сити“
Организацијата „За почиста Македонија“ собра 1.000 потписи за петицијата со која се бара системот за сообраќајни прекршоци „Сејф сити“ да...
