Свет
За шест дена четири милиони евра за коли
Љубителите на добри автомобили изминативе шест саемски денови не штеделе ниту за полуксузните модели како "ауди", "мерцедес", БМВ, "крајслер"
НАВАЛИЦА НА "АУТО ЕКСПО"
Љубителите на добри автомобили изминативе шест саемски денови не штеделе ниту за полуксузните модели како "ауди", "мерцедес", БМВ, "крајслер"
За само шест дена на саемот "Аутоекспо" во Скопје за купување автомобили се потрошени речиси четири милиони евра. Најголем дел се купени на кредит преку банките или на лизинг, но добар дел од купените автомобили се платени во кеш.
Фирмите и дистрибутерите кои изминативе шест дена изложуваа на Саемот се фалат со добрата продажба. Додека едни од нив, без никакво натегање, кажуваат колку и какви автомобили продале, други велат дека не направиле математика колку пари свртеле додека траел Саемот. Некои, пак, дури сметаат дека не е паметно да кажат колкав пазар направиле за овие шест дена. За некои од фирмите учесници ваквите огромни бројки се надувани. Велат, не може да се продале толку возила, на саем секогаш се оди да се прикаже дека народот купува најмногу ваква или таква кола. Многумина и од продавачите и од посетителите на Саемот се чудат од каде пари за такви скапи коли кога ќе видат како на џип од 50 илјади евра е напишано дека е продаден или кога ќе пробаат да отворат врата за да sирнат во некоја луксузна лимузина од 120.000, а вратата е заклучена оти е веќе продадена, а на Саемот стои само како експонат. Но, сепак, ниту еден штанд на Саемот не е без барем две возила на кои стои напишано "продадено".
"Се купуваат автомобили. Не е како што беше пред 7-8 години, но задоволни сме. Најмногу се бараат помалите возила, но позитивно изненадува тоа што се повеќе се бараат и поскапите спортски возила, џиповите, но и луксузните лимузини од по 80-90 илјади евра", велат дистрибутерите.
Најмногу се продадени возила од средните и малите класи. За купување на 100-тина автомобили од класата на "тојота јарис", "акцент", "авенсис", "авео", "матиз" или "лачети" и "хјундаи" и други од таа класа се потрошени речиси два милиона евра.
Големи суми се платени и за теренските возила од типот на "санта фе", "рав 4", "спортаж", "фолксваген", "реинџ ровер" или "соренто". За ваквите модерни и луксузни џипови, кои чинат од 20 до 100.000 евра, за шест дена се потрошени речиси половина милион евра.
Љубителите на добри автомобили изминативе шест саемски денови не штеделе ниту за полуксузните модели како "ауди", "мерцедес", БМВ, "крајслер". И за нив не им било тешко да издвојат речиси половина милион евра, ако се знае дека едно "ауди А8" чини над 85 илјади евра.
На "Пежо" одлично му оди, но последните бројки ќе ги каже в понеделник. И за "хјундаи" има одличен интерес. Од "Мерцедес" се задоволни со продажбата, ама и тие ќе пресметале в понеделник.
Бројката од речиси 4.000.000 евра е на вкупниот број автомобили продадени за шест дена од еднонеделниот саем, и на дистрибутите што кажаа колку продале, и на оние кои таа бројка ја премолчија. (Е.З.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Олимписки игри во Париз 2024: церемонијата на отворање започна со пловење по Сена
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.