За Јавното правобранителство случајот приватизација на „Фершпед“ е завршен, изјави вчера првата правобранителка Зоја Лега Станоевска.

За Јавното правобранителство случајот приватизација на „Фершпед“ е завршен, изјави вчера првата правобранителка Зоја Лега Станоевска. Таа тврди дека постапила согласно со законите и дека за сработеното поднела извештај и до антикорупциската комисија. Антикорупционерите Лега ја обвинија дека случајот прво намерно го одолжувала, а на крај незаконски заклучила дека приватизацијата на компанијата е чиста.

– Во постапката за поднесената иницијатива за поништување на приватизацијата на „Фершпед“, јавниот правобранител не постапил законски, совесно, одговорно, непристрасно и во согласност со Уставот и законите – изјави Михајло Маневски, претседател на комисијата, пред две недели.

Според антикорупциската комисија, приватизацијата на „Фершпед“ е незаконска и тоа според нејзините членови го докажуваат две финансиски контроли во фирмата. Тие не ги признаваат резултатите од последната контрола што во „Фершпед“ ја вршеше УЈП скоро цела година, а според кои излезе дека трансформацијата на најголемата шпедитерска куќа е легална.

А.К.М.