Свет
Прчевски: Немавме контакти со ФБИ за швајцарските сметки
Обвинителството постапило по замолницата од нивниот колега во Минхен и пред околу една недела е испратен извештај до главниот обвинител на Баварија за ,,случајот Ел Масри"
Државниот јавен обвинител го демантира ,,Фокус"
Обвинителството постапило по замолницата од нивниот колега во Минхен и пред околу една недела е испратен извештај до главниот обвинител на Баварија за ,,случајот Ел Масри"
Државниот јавен обвинител Александар Прчевски вчера изјави дека Јавното обвинителство на Република Македонија останува на ставот дека нема место за каква било истрага или прогон во ,,случајот швајцарски сметки" како одговор на обвинувањата од сопственикот на "Фокус" дека Обвинителството постапува како приватна фирма во однос на средбите со ФБИ и барањето докази за Црвенковски и за Костов.
"Јавното обвинителство на Република Македонија нема преземено ништо во таа насока"- рече Прчевски и додаде: "Јавниот обвинител и неговите соработници немале никакви контакти со ФБИ, а што ќе произлезе од истрагата што ја водиме во врска со тој случај и односот со ФБИ, ќе бидете благовремено известени".
Во врска со ,,случајот Бачило" Прчевски нагласи дека Обвинителството било вклучено само во постапка по барање заштита на законитост. Обвинителството, одлучувајќи по овој случај, го одби барањето, сметајќи дека таков основ постои. Според Прчевски, таа одлука е проверена и исправна.
Што се однесува до ,,случајот Ел Масри", Прчевски информираше дека обвинителот на Баварија со седиште во Минхен доставил замолница до Јавното обвинителство на Република Македонија заради преиспитување на одредени околности во овој случај. "Обвинителството постапи по таквата замолница и пред околу една недела е испратен извештај до главниот обвинителот на Баварија, а доколку тој не е задоволен од таквото известување, оставивме простор да сториме сў што ќе смета дека е потребно во истрагата во ,случајот Ел Масри’"- додаде Прчевски.
На прашањето дали има притисоци врз јавниот обвинител од политичките партии пред изборите, Прчевски одговори дека притисоци доаѓаат од сите страни, но дека Обвинителството треба да опстои и да работи уставно и законито.Според Прчевски, во соработката меѓу Обвинителството и Антикорупциската комисија никогаш немало проблем, додавајќи дека секоја институција има свои ингеренции и надлежност и постапува согласно со таквите овластувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлозија на руски танкер во Црното Море: постои ризик од потонување
Рускиот танкер „Каирос“, кој е под санкции, беше оштетен во експлозија во близина на Босфорскиот теснец во Црното Море во петокот. Бродот е поврзан со таканаречената „флота во сенка“ на Москва, која се користи за избегнување на западните санкции врз рускиот извоз на енергија, објави Ројтерс.
Турското Министерство за транспорт и инфраструктура соопшти дека „Каирос“ пријавил „надворешен удар“ додека бил на пат кон руското пристаниште Новоросијск, 28 наутички милји од турскиот брег. Експлозијата предизвикала пожар во машинската просторија на бродот, а турските спасувачки служби започнале операција за евакуација на 25 членови на екипажот.
An explosion and fire broke out in the engine room of the Gambian-flagged tanker Kairos while it was sailing in ballast about 52 miles north of the Bosphorus in the Black Sea, shipping agency Tribeca said. pic.twitter.com/Hvp8Ov4j5r
— Levent Kemal (@leventkemaI) November 28, 2025
Според агенцијата за бродски превоз „Трибека“, „Каирос“ можеби удрил во мина и е во опасност да потоне. Спасувачки влекачи и крајбрежната стража беа испратени на местото на настанот за да обезбедат помош.
Извор за Ројтерс изјави дека друг танкер, „Вират“, исто така претрпел експлозија во Црното Море. И двата брода се на списокот на санкционирани бродови поврзани со руската „флота во сенка“.
Европа
(Видео) Украинците уништија руски систем за воздушна одбрана вреден 60 милиони долари
Украинските сили за беспилотни системи објавија дека уништиле три вредни руски противвоздушни системи со вкупна проценета вредност од околу 60 милиони долари – Бук-М1, Бук-М2 и Тор-М2 – за време на тридневен напад со беспилотни летала.
Во соопштение на социјалните мрежи, тие велат дека операторите од батаљонот Асгард на 412-та бригада Немезис, заедно со 12-от Центар за специјални намени и специјалната единица „Кабул 9“ на Воената разузнавачка служба (ХУР), погодиле три важни цели: системите Бук-М1, Бук-М2 и Тор-М2.
Уништените системи се меѓу највредната руска опрема на бојното поле.
Европа
(Видео) „Ризикуваме да изгубиме сè“: драматичен говор на Зеленски по падот на вториот човек на Украина
Украинскиот претседател Володимир Зеленски се огласи на Фејсбук за прв пат по оставката на Андриј Јермак, шефот на кабинетот на украинскиот лидер.
Како што нагласи на самиот почеток, „Русија едвај чека Украина да прави грешки“.
– Ние нема да ги правиме. Нашата работа продолжува. Нашата борба продолжува. Немаме право да не успееме, немаме право да се повлечеме или да се свртиме едни против други. Ако го изгубиме единството, ризикуваме да изгубиме сè – себеси, Украина и нашата иднина. Мора да стоиме заедно. Мора да издржиме. Нема друг избор. Никогаш нема да има друга Украина. Ние ја браниме Украина. Слава на Украина! – рече Зеленски.
Зеленски денес објави дека неговиот шеф на кабинетот, Андриј Јермак, поднел оставка.
– Прво: Канцеларијата на претседателот на Украина ќе назначи ново лице на чело – шефот на кабинетот, Андриј Јермак, ја потпиша својата оставка – рече Зеленски во своето вечерно обраќање, пренесува Интерфакс Украина.
Тој му се заблагодари на Јермак за неговата досегашна работа и рече дека утре ќе одржи консултации за тоа кој би можел да биде новиот шеф на неговиот кабинет, пренесува УНИАН.

