Свет
Го оштетил Фондот за здравство за 7,7 милиони денари
Вршителот на должноста директор на битолската Клиничка болница, Дејан Ристевски (44), со незаконски дејства го оштетил Фондот за здравство за 7,6 милиони денари, поради што полицијата против него поднесе кривична пријава за злоупотреба на службената положба и овластување.
БИТОЛСКА БОЛНИЦА
Вршителот на должноста директор на битолската Клиничка болница, Дејан Ристевски (44), со незаконски дејства го оштетил Фондот за здравство за 7,6 милиони денари, поради што полицијата против него поднесе кривична пријава за злоупотреба на службената положба и овластување. Осомничениот го извршил делото во периодот од 2001 година до крајот на минатата година.
Истрагата утврдила дека Ристевски, спротивно на Законот за јавни набавки, и без тендер, избирал најповолни понудувачи со кои склучувал непосредни спогодби за обезбедување на објектите на болницата, за извршување занаетчиски работи, набавка на мебел, компјутери, оптички и медицински материјали, за изработка на проекти и друго.
Ристевски донесувал решенија за избор на најповолен понудувач, без притоа да ја вклучи Комисијата за јавни набавки. Тој преку договори во четири очи ги издавал под закуп деловните простории на клиничката болница и објектите што се предмет на денационализација. Иако против Ристевски е поднесена кривична пријава, а бил повикан и на разговор во полициската станица, истражниот судија не му е изрекол мерка притвор.
Пред месец и половина во Управата на болницата во Битола влегоа финансови и полициски инспектори, кои ја чешлаа документацијата. Истовремено Ристевски бил повикан на информативен разговор во битолската полиција. Тој пред медиумите изјавуваше дека во ниту еден момент не работел незаконски, поради што и немало основа кривично да биде гонет. Ристевски е кадар на ЛДП и еден од кандидатите за нов директор на битолската болница. (Д.В.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Јас сум единствениот американски лидер за време на чиј мандат Русија не ги нападна соседите
Поранешниот претседател на САД и кандидат на републиканците на претстојните претседателски избори, Доналд Трамп изјави дека тој е единствениот американски лидер во последните години за време на чиј мандат Русија не ги нападна своите „соседи“, вклучително и Украина.
Во интервју за „Вашингтон пост“, Трамп изјави дека рускиот претседател Владимир Путин никогаш немаше да започне војна против Украина додека е тој на власт.
„Ние би разговарале за тоа, тоа би било негов сон, но тој никогаш не би го направил тоа со мене на власт“, истакна тој.
Свет
Путин го унапреди својот поранешен телохранител во член на Советот за безбедност на Русија
Рускиот претседател Владимир Путин денеска го унапреди Алексеј Дјумин, неговиот поранешен телохранител, во член на рускиот Совет за безбедност.
„Да се вклучат следните лица како членови на Советот за безбедност на Руската Федерација: А. Г. Дјумин – помошник на претседателот, А. Л. Линка – шеф на ГУСП, Д. В. Мантурова – прв заменик претседател, В. И. Скворцова, шеф на ФМБА“, наведено е во декретот на претседателот на Русија, објави РИА Новости.
Путин го исклучи од Советот за безбедност вршителот на должноста секретар на Генералниот совет на Единствена Русија, Владимир Јакушев, кој минатата недела премина во Советот на Федерацијата.
Свет
Редакцијата на „Њујорк тајмс“ јавно ја поддржа Камала: „Таа е единствениот избор“
Уредничкиот одбот на „Њујорк Тајмс“ ја поддржа Камала Харис, нарекувајќи ја единствениот патриотски избор за претседател.
Наместо да ги наведе позитивните аспекти на Камала Харис, уводникот се фокусираше на набројување на она што го смета за дисквалификувачки аргументи против Трамп.
„Тешко е да се замисли кандидат кој е понедостоен да ја извршува функцијата претседател на Соединетите држави“, пишува во едиторијалот за Трамп.
„Оваа недвосмислена, обесхрабрувачка вистина – Доналд Трамп не е соодветен за функцијата претседател – треба да биде доволна за секој гласач кој се грижи за здравјето на нашата земја и стабилноста на нашата демократија да го оневозможи реизборот“, се вели во соопштението за печатот, потпишано од 14 новинари.
„Поради оваа причина, без оглед на политичките несогласувања што гласачите може да ги имаат со неа, Камала Харис е единствениот патриотски избор за претседател“, се додава.
Одлуката за поддршка на Харис не е изненадувачка. Редакцискиот одбор не одобрил републиканец за претседател уште од Двајт Ајзенхауер во 1956 година.
Во јули, 10 дена пред претседателот Џо Бајден да се откаже од трката, уредничкиот одбор објави остра критика во пет дела за Трамп.
Весникот ја нарекува Харис „посветен јавен службеник“ кој е „повеќе од неопходна алтернатива“. Тврдат дека нејзините планови за економијата, здравството, надворешната политика и имиграцијата се причина да ја изберат на претседателските избори во ноември.
Признаваат дека некои од тие планови не се толку детални колку што би сакале гласачите, но повторуваат дека опасноста е многу поголема од вториот мандат на Трамп. Тие посочуваат дека Трамп најавил дека ќе ја искористи владата за да ги нападне своите политички непријатели.
„Ако американските гласачи не му се спротивстават, Трамп ќе има моќ да предизвика длабока и трајна штета на нашата демократија“, предвидува уредникот, заклучувајќи дека Камала Харис е единствениот избор.