Свет
Цигарите за извоз завршуваат дома
Камиони со пратки на сите брендови на цигари што ги произведува Тутунскиот комбинат во Прилеп редовно исчезнуваат на својата маршрута кон Скопје, тврдат извори на „Време“, упатени во бизнисот со цигари.
Камиони со пратки на сите брендови на цигари што ги произведува Тутунскиот комбинат во Прилеп редовно исчезнуваат на својата маршрута кон Скопје, тврдат извори на „Време“, упатени во бизнисот со цигари.
Како доказ за своето тврдење тие ја наведуваат продажбата на цигари низ скопските зелени пазари.
Нашите извори велат дека целиот бизнис минува со премолчено одобрение на властите во земјава.
Упатените во бизнисот со цигари велат дека ова е т.н. внатрешен шверц, а се врши така што цигарите од прилепскиот комбинат се облепуваат со бандероли за извоз. Комбинатот легално си нарачува такви контролни маркици од Министерството за финансии и плаќа за нив. Потоа се изработува фиктивна документација за дестинацијата каде што треба да замине стоката.
Исто така, фиктивно се прави и извоз на цигарите, но тие никогаш не излегуваат од Македонија туку мистериозно завршуваат на скопските пазари.
Сите брендови на цигари што ги произведува Тутунскиот комбинат во Прилеп може да се купат на црно на зелените пазари, и тоа за многу пониска цена од редовната. Една кутија „бренд“ во редовна продажба чини 45, а на пазар може да се купи за 30 денари.
Извори на „Време“ тврдат дека ниту една земја во светот, освен Македонија, не прави бандероли што означуваат дека акцизната стока е за извоз, од проста причина што земјата-увозник на тие цигари мора да стави свои контролни маркици. Како доказ за ова, изворите на „Време“ го објаснуваат т.н. полушверц со цигарите „бос“, кои се произведуваат во Тутунскиот комбинат – Скопје. Овој бренд цигари, кои се произведуваат за потребите на пазарот во Косово, легално се извезуваат во протекторатот.
Потоа тамошната административна управа на Обединетите нации им става свои бандероли, кои се со одличен квалитет и е речиси невозможно да се фалсификуваат. Македонските шверцери легално ги купуваат цигарите „бос“ од Косово, но илегално ги враќаат во земјава и ги пласираат на црно.
Една кутија од овие цигари на црно чини 50 денари, а нивната набавна цена на Косово е 35 денари. Во редовна продажба во земјава една кутија „бос“ чини 65 денари.
Изворите на „Време“ велат дека голем дел од шверцот на цигари во земјава се врши преку границата со Србија и Црна Гора, бидејќи моментно на Балканот оваа земја имала најниски цени на цигарите.
Екипа на „Време“
МВР ДЕМАНТИРА
Во шверцот нема полицајци
МВР вчера преку соопштение до јавноста ги отфрли сите обвинувања на ВМРО-ДПМНЕ дека полицајци се вмешани во шверцот со цигари. Во соопштението се вели дека таквите информации се евтини обиди за политички профит и претставуваат удар врз безбедносниот систем на државата.
„Станува збор за класична дезинформација, која има цел да го искористи МВР за дневнополитички цели. Јавното изнесување имиња и презимиња на вработени во МВР што вршат специфични работи претставува закана за нив и за нивните семејства, дотолку повеќе што се работи за професионалци, кои во Министерството работат повеќе години и успешно ги извршуваат своите работни задачи. МВР сфаќа дека во предизборниот период политичките партии ќе се служат со разни игри, трикови, па дури ќе пласираат и дезинформации, но смета дека освојувањето власт со вакви методи претставува загрозување на безбедносните институции, а со тоа и на стабилноста на државата“, се вели во соопштението.
Шверцот го изеде данокот
Шверцот со цигари е причина што Управата за јавни приходи (УЈП) во првите три месеци од годинава собрала помалку пари од планираните во буџетот од акцизи и од ДДВ, вели Петра Митева, директорка на УЈП.
– Заклучно со 28 март годинава, а во споредба со истиот период лани наплатата е зголемена за 2,5 отсто. Во споредба со планираното за годинава имаме потфрлање од 2 отсто и тоа токму поради шверцот со цигари – рече Митева.
Никола Поповски, министерот за финансии вчера, пак, изјави дека потфрлањето воопшто не е драматично.
Митева информира дека во последната акција, инспекторите одзеле 1.580 кутии цигари без бандероли што слободно се продавале во продавниците. Управата затворила 45 дуќани во Гостивар.
А.К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.