Свет
Антикорупциската комисија се ниша
Становите на Груевски и неговата мајка ја поделија институцијата за борба против корупцијата, претседателот Маневски демантира
Становите на Груевски и неговата мајка ја поделија институцијата за борба против корупцијата, претседателот Маневски демантира
Случајот со становите на семејството Груевски ја разниша компактноста на Антикорупциската комисија. Прогласувањето амнестија за лидерот на ВМРО-ДПМНЕ во име на институцијата која треба да се справува со корупцијата ги поделила членовите кои немале единствени гледишта за истото прашање, дознаваме неофицијално од извори блиски до ова тело. Некои од нив дури се заканиле и со оставки, бидејќи не биле задоволни од презентираниот став дека Антикорупциска е ненадлежна да утврдува со кои средства мајката на Груевски купила три стана
КАТИЦА ЧАНГОВА
Случајот со становите на семејството Груевски ја разниша компактноста на Антикорупциската комисија. Прогласувањето амнестија за лидерот на ВМРО-ДПМНЕ во име на институцијата која треба да се справува со корупцијата ги поделила членовите кои немале единствени гледишта за истото прашање, дознаваме неофицијално од извори блиски до ова тело. Некои од нив дури се заканиле и со оставки, бидејќи не биле задоволни од презентираниот став дека Антикорупциска е ненадлежна да утврдува со кои средства мајката на Груевски купила три стана.
Анонимни извори тврдат дека ова мислење го застапувале само двајца од седумтемина членови, Михајло Маневски и Слаѓана Тасева, дека некоја неодредена страна застапувал Драган Малиновски, а контра биле Вања Михајлова, Јован Трпеновски, Сами Асани и Нервет Хисмани. Неофицијално се тврди дека во Антикорупциска не се задоволни од настапите на Михајло Маневски, кој од моментот на назначувањето за претседател, наводно, го уривал авторитетот и дигнитетот на Комисијата. Иако нема директна потврда, извесно е дека многу скоро, на посебна седница, Државната комисија за спречување на корупцијата ќе проговори на тема: начинот на одлучување.
Наспроти ова, првиот човек на Антикорупциска, Маневски, демантира какви било неусогласени ставови во Комисијата. "Одлуката за становите на семејството Груевски беше едногласно донесена. За тоа има записник. За секој предмет Комисијата формулира мислење со консензус за кое членовите не гласаат. Што значи, немало ситуација на гласање или на прегласување. Многу работи почнаа со случајот на Груевски, но тврдам дека го завршивме најодговорно и најпрофесионално. Вложивме многу труд, а во постапувањето бевме сериозни и објективни", изјави вчера претседателот на Државната комисија за спречување на корупцијата, Михајло Маневски. Тој рече дека немале седница на која разговарале за начинот на работа на Комисијата ниту, пак, планираат такво нешто.
Иницијалната каписла за нарушување на внатрешните односи во Комисијата била токму одлуката како да се постапи со имотната состојба на Груевски. Факт е дека претседателот Михајло Маневски повеќе пати беше повикуван од владејачкиот СДСМ да го отвори анкетниот лист на лидерот на ВМРО-ДПМНЕ. Партиски извори велат дека Маневски долго време тактизирал и одбегнувал да се занимава со ова прашање. Поради таквиот однос од премиерот Владо Бучковски заработи несекојдневна етикета дека "се однесувал како да е експозитура на ВМРО-ДПМНЕ, а не како претседател на Антикорупциска комисија". Маневски не излезе пред јавноста да каже што заклучиле за "случајот Груевски". Тоа Ј го препушти на Тасева. Таа, пак, ја искористи приликата за да ја обвини Управата за јавни приходи за неажурно работење со анкетните листови, како и за тоа дека ниту еден случај не добил завршница. Експресно врати директорката на УЈП, Петра Митева, која ги обвини антикорупционерите дека се однесувале пристрасно, бидејќи не сакале да ја видат очигледната злоупотреба на лидерот на ВМРО-ДПМНЕ. Затоа најави дека против Никола Груевски ќе поднесе кривична пријава за становите.
Маневски беше и на тапет во Собранието, на седницата посветена на пратеничките прашања. И тоа за истата тема: богатството на Груевски, броено низ станови. Одговорност од Антикорупциската во таа пригода побараа пратениците од власта, револтирани затоа што Михајло Маневски не дошол на седницата иако бил уредно поканет. Координаторот на пратеничката група на СДСМ, Јани Макрадули, се посомнева дека Маневски свесно отсуствува, бидејќи не сакал да одговори на прашања за својата сопруга Филимена Маневска и за имотната состојба на Груевски. На Маневски му беше забележано дека бил избран за член на Антикорупциската по предлог на ВМРО-ДПМНЕ и дека во последно време давал политички интервјуа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Иран со дрон погоди пристаниште во Оман
Во Оман, во ирански напад со дрон е погоден резервоар за гориво во пристаништето Дукам, објави државната новинска агенција на таа земја.
„Штетата е ставена под контрола и нема човечки жртви“, се наведува, повикувајќи се на неименуван безбедносен извор.
Истото пристаниште било цел на напад и за време на викендот, кога според извештаите бил повреден еден работник. Објавена е и снимка од ударот.
Moment Iranian drone strike hit the Port of Salalah in Oman. pic.twitter.com/OGQs7CYqr3
— Clash Report (@clashreport) March 3, 2026
Во соседен Катар вчера беше запрено производството на течен природен гас по ирански напади врз дел од постројките, додека Саудиска Арабија ја суспендирала работата во својата најголема домашна рафинерија.
Оман со години е клучен посредник во разговорите меѓу САД и Иран, а последниот круг преговори бил одржан минатиот месец токму таму.
Свет
Багеи: Иран во моментов е единствената преостаната сила што се спротивставува на злото
Портпаролот на иранското Министерство за надворешни работи, Есмаил Багеи, денес изјави дека Иран во моментов е единствената преостаната сила што се спротивставува на злото и рече дека „вечен срам“ ќе ги снајде оние што тврдат дека ја следат дипломатијата, но, соочени со аргументите на Иран, попуштија и решија да прибегнат кон воени средства.
Тој нагласи дека Техеран верува дека е посветен на хуманитарните принципи, пренесува „Ал Џезира“.
„Ционистичкиот режим не се воздржува од никаков злобен чин. Ги молам моите арапски пријатели внимателно да размислат. Режимот не се двоуми да го прошири опсегот на војната, да го расипе угледот на Иран и да изврши злосторства во други земји“, додаде Багеи, пренесува Танјуг.
Свет
Песков: Путин вложува напори за намалување на тензиите на Блискиот Исток
Портпаролот на Кремљ, Дмитриј Песков, изјави дека рускиот претседател Владимир Путин ги продолжува напорите за намалување на тензиите на Блискиот Исток и најави дека рускиот лидер денес ќе одржи меѓународен телефонски разговор. „Претседателот денес треба да има уште еден меѓународен телефонски разговор. Ќе објавиме релевантни информации и повеќе детали малку подоцна“, изјави Песков за новинарите, објави РИА Новости.
Според него, Путин вчера разговарал со лидерите на Обединетите Арапски Емирати, Катар, Бахреин и Саудиска Арабија и во сите разговори, ситуацијата на Блискиот Исток била главна тема, а рускиот претседател ја пренел својата длабока загриженост за нападот врз иранската инфраструктура, што станало централна точка на разговорот.
„Вчера разговаравме со практично сите наши соговорници дека Путин ќе ја пренесе својата длабока загриженост за нападот врз нивната инфраструктура на нашите колеги во Иран, користејќи го дијалогот што го водиме со иранското раководство“, рече Песков.
Тој негираше дека Путин има какви било планови да разговара со американскиот претседател Доналд Трамп. „Не, во моментов нема планови за разговор со Трамп“, рече Песков, нагласувајќи дека Путин нема такви настани на својот распоред.
Зборувајќи за ситуацијата на Блискиот Исток, Песков нагласи дека Русија останува посветена на принципите на меѓународното право и почитувањето на суверените држави, коментирајќи ги заканите на сенаторот Линдзи Греам кон Куба по воените операции на САД против Иран.
Песков рече дека Русија отфрла какво било мешање во внатрешните работи на други земји и смета дека таквите дејствија се некомпатибилни со меѓународното право.
„Искрено, претпочитаме да не зборуваме за ова. Ние сме поддржувачи на меѓународното право. Министерството за надворешни работи е посветено на принципите на почитување на суверените држави и на принципот на немешање во нив како внатрешно прашање. Ова е суштината на нашата позиција и претпочитаме да се придржуваме до неа. Сè друго го сметаме за некомпатибилно со принципите на меѓународното право“, изјави Песков пред новинарите, пренесува Танјуг.
Песков, исто така, рече дека е малку веројатно дека во овој момент ќе се одржи трилатерален состанок во Абу Даби во врска со украинското решение.
„Јасно е дека е малку веројатно дека сега можеме да разговараме за можноста за состанок во Абу Даби токму од очигледни причини. Сè уште не е јасно каде и кога ќе се одржат разговорите. Штом ќе биде јасно, ќе ве информираме“, рече тој.
МНР со владиниот авион ќе ги евакуира нашите државјани од Израел, првите се очекува да пристигнат утре
За евакуација на Македонците кои сакаат да се вратат дома од Израел, Министерството за надворешни работи (МНР) ќе го испрати...
Сè уште не се препорачува евакуација по копнен пат за граѓаните кои се наоѓаат во Катар и Обединетите Арапски Емирати, велат од МНР
Министерството за надворешни работи и надворешна трговија информира дека, согласно последните податоци, од почетокот на конфликтот до денес вкупно 473...
Едно лице задржано по трагедијата во Карпош: распити на повеќе лица, детален претрес на станот, екстракција на податоци од телефони, се обезбедуваат снимки
Основното јавно обвинителство Скопје ги издава сите потребни наредби и насоки за целосно расчистување на вчерашниот случај во Карпош, кога...
Почувствуван земјотрес во Гостивар
Според досегашните податоци со кои располага Сеизмолошката опсерваторија при Природно-математичкиот факултет во Скопје, утрово во 5 часот и 21 минути...
(Видео) Објавено сведочењето на Клинтон за Епстин, Хилари е бесна
Нови видеа покажуваат како Хилари Клинтон речиси излегува од сведочењето зад затворени врати пред американските пратеници за Џефри Епстин откако...
Пезешкијан: Иран нема да стои настрана пред нападите врз училиштата и болниците
Претседателот на Иран, Масуд Пезешкијан, изјави дека неговата земја нема да стои настрана поради американско-израелските напади што погодија женско училиште...
Трамп: Подготвени сме да водиме војни колку што е потребно, имаме залихи што ќе траат засекогаш
Американскиот претседател Доналд Трамп преку својата платформа Truth Social извести дека САД имаат рекордни залихи на муниција од среден и...
Рубио: Израел планираше да го нападне Иран, мораше да извршиме превентивни напади
Одлуката на Израел да го нападне Иран и сигурноста дека американските сили ќе бидат цел на одмазда ја принудија администрацијата...
(Видео) Познатата Палата Голестан во Техеран е оштетена, објавени се фотографии
Делови од Палатата Голестан, единственото место на светското наследство на УНЕСКО во иранската престолнина, беа оштетени во воздушен напад извршен...
Америка ги повика своите граѓани веднаш да ги напуштат повеќе од десетина земји од Блискиот Исток
Американското министерство за надворешни работи денес ги повика Американците веднаш да ги напуштат повеќе од десетина земји на Блискиот Исток,...
Нетанјаху: Војната нема да трае со години
Израелскиот премиер Бенјамин Нетанјаху вчера изјави дека американско-израелската војна против Иран може да трае „некое време“, но нема да трае...
Се вршат разговори и се прибираат докази по трагедијата во Карпош, соопшти Обвинителството
Дежурен јавен обвинител од Основно јавно обвинителство Скопје извршил увид на локацијата во скопската општина Карпош, каде попладнево животот го...
„Денес потфрли целиот наш систем“: се огласи братот на жената која заедно со ќерката паднаа од зграда во Карпош
„Иако ми е тешко, сакам да се обратам во име на моето семејство – денес се случи убиство“. Ова на...
Мајка и дете загинаа по пад од зграда во скопски Карпош
Женско лице и нејзиното малолетно дете се пронајдени попладнево починати по пад од тераса во скопски Карпош. Од Министерството за...
Се разгледува можност за евакуација на македонски граѓани од ОАЕ до Саудиска Арабија со автобуси
Амбасадата на Република Северна Македонија во Абу Даби, во соработка со властите на Обединетите Арапски Емирати (ОАЕ) и Кралството Саудиска...
Наредена ексхумација на уште една жена, можна жртва на 25- годишникот од Малотино осомничен за сериски убиства
Во наредните денови ќе биде направена уште една ексхумација на жена за која постојат сомневања дека е жртва на 25-годишниот...
Недвосмислено ги осудуваме сите напади врз нашите пријатели, велат од МНР и апелираат граѓаните да се воздржат од патувања во поширокиот регион на Блискиот Исток
Министерството за надворешни работи и надворешна трговија соопшти дека со внимание и загриженост ги следи случувањата во поширокиот регион на...
Минималната плата се зголемува за 1.667 денари
Минималната плата се зголемува за 1.667 денари на 26.046 денари нето плата, соопшти министерот за економија, Бесар Дурмиши. Бруто платата за...
Договорите за корупција треба да бидат многу поскапи, потешки и понеисплатливи – антикорупционерите со обука за полицајците
Регионалната иницијатива против корупција (РАИ) денес во Скопје организираше обука за претставници на полицијата и Министерството за внатрешни работи за проценка...
Трендафилов: Пробуваат на мала врата да ја усогласат минималната плата за 1.600 денари, излегуваме повторно на улица
Претседателот на Сојузот на синдикати на Македонија, Слободан Трендафилов, денеска ја напушти седницата на Економско – социјалниот совет, на која...
