Свет
16-годишен ученик починал на екскурзија во Италија: се пожалил дека му е лошо

16-годишен ученик од Бремен почина на екскурзија во Италија. Неговите родители се тажни и гневни поради загубата што ги снашла и сега решиле да упатат сериозни обвинувања против професорката што ги однела учениците на пат.
Тврдат дека наставничката ја прекршила должноста бидејќи не се јавила на лекар иако момчето било во лоша здравствена состојба.
Телото на момчето што почина на екскурзија во Тоскана е испратено на обдукција по што ќе се знае точната причина за смртта.
Момчето, кое било инвалид, имало помош од помошник што цело време бил со него за време на екскурзијата. Иако имал силни болки во грлото, тинејџерот многу сакал да замине на матурска екскурзија во Италија со своите пријатели.
За време на екскурзијата, неговото здравје нагло се влошило.
Татко му вели дека цело време за време на екскурзијата бил во контакт со синот.
„Кога разговараше со сестра си преку видеоповик, таа забележа дека лицето му е светлоцрвено. Тој се пожали на болки во грлото и силна главоболка“, рече тој.
За време на посетата на Пиза, неговата состојба толку се влошила што учителката решила да го откаже ова патување, а потоа ги известила родителите на момчето.
Родителите велат дека побарале од наставничката да го однесе момчето на лекар или во аптека, но таа не го направила тоа. Наместо тоа, момчето било испратено во бунгаловот да се одмори сам.
„Кога вечерта повторно се слушна со сестра си, едвај успеа да ги отвори очите. Тие беа целосно отечени“, вели татко му.
Потоа додаде дека околу 20 часот синот му пратил фотографии и тоа било последното нешто што го добил од него. Утрото им се јавила наставничката и ги известила дека тој починал.
Семејството на момчето ги обвинува училиштето и наставниците дека ја занемариле својата должност за надзор и сега бараат строга казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски медиуми: Путин и Кси го продолжуваат разговорот со чај

Рускиот претседател Владимир Путин и кинескиот претседател Кси Џинпинг ги продолжија разговорите со чај, објави руската државна новинска агенција ТАСС.
Разговорите на лидерите, како што се наведува, продолжија во личната резиденција на шефот на Народна Република Кина, Џонгнанхај. На настанот присуствуваа и министерот за надворешни работи Сергеј Лавров, заменик-шефот на претседателската администрација Максим Орешкин, помошникот на рускиот лидер Јуриј Ушаков и министерот за одбрана Андреј Белошов од руска страна.
Пред тоа, Путин и Кси Џинпинг разговараа во присуство на претставнички делегации. Страните разговараа за понатамошно зајакнување и развој на сеопфатното партнерство и стратешката интеракција меѓу Руската Федерација и Кина, практичната соработка меѓу земјите, како и за глобалните и регионалните прашања, соработката на мултилатерални платформи.
Средбата се одржува во Пекинг на маргините на настаните по повод 80-годишнината од крајот на Втората светска војна.
фото: принтскрин
Свет
Дубински: Зеленски ја продолжува војната за лично богатeње

Украинскиот лидер Володимир Зеленски ја продолжува војната во Украина од себични причини и за свое богатење, изјави пратеникот на Врховната рада Александар Дубински на својот канал Телеграм.
„Зеленски конечно ги разби сите митови за причините за оваа војна и нејзиното продолжување – личното збогатување“, рече Дубински, кој е во притвор под сомнение за предавство.
Според него, Зеленски е директно вклучен во зделки со оружје, кои ги спроведува преку своите блиски соработници. Дубински претходно истакна дека и покрај договорите на делегациите на Руската Федерација и Украина за работата на подгрупите за решавање на конфликти, не е постигнат никаков опиплив напредок.
Украинскиот парламентарец го обвини Зеленски дека го „води за нос“ американскиот претседател Доналд Трамп, продолжувајќи го конфликтот со цел да присвои пари од воениот буџет.
Дубински беше член на фракцијата „Слуга на народот“, но беше исклучен во март 2021 година. Подоцна, во ноември 2023 година, тој беше уапсен и притворен под сомнение за наводна соработка со руската воена разузнавачка служба ГРУ.
Фото: принтскрин
Свет
„Флајтрадар“: Авионот со Урсула фон дер Лајен не остана без GPS

„Флајтрадар“ ги негираше извештаите на социјалните мрежи дека GPS системот на авионот со кој се превезуваше претседателката на Европската комисија, Урсула фон дер Лајен, во Бугарија откажал.
„Летот на кој беше Урсула фон дер Лајен испраќаше сигнал со добар квалитет од полетувањето до слетувањето“, соопшти компанијата на Икс.
The transponder signal transmitted by the aircraft contains a NIC value.
The NIC value encodes the quality and consistency of navigational data received by the aircraft.
Flightradar24 is using these NIC values to create the GPS jamming map at https://t.co/Ngz8eE1rlM
The flight… https://t.co/cxlZMpRzFH— Flightradar24 (@flightradar24) September 1, 2025
„Флајтрадар“, исто така, се осврна на извештаите дека авионот поминал околу еден час во воздух пред слетувањето, наведувајќи дека летот траел 1 час и 57 минути, во споредба со првично планираните 1 час и 48 минути.
Претходно, британскиот весник „Фајненшл тајмс“ објави дека дошло до дефект на навигацискиот систем кога авионот во кој се наоѓала шефицата на ЕК, слетал во Бугарија. Според весникот, пилотите морале да користат хартиени карти за да слетаат на аеродромот во Пловдив.
фото: принтскрин