Американскиот федерален суд вчера го отфрли обвинението против поранешниот директор на ФБИ, Џејмс Коми, жесток критичар на американскиот претседател, а Коми оцени дека одлуката покажува дека Доналд Трамп не може да ги користи државните органи за прогонување на политичките непријатели.

Судот пресуди дека обвинителката Линдзи Халиган, која го водеше случајот, не требало да биде назначена од Министерството за правда на САД, па затоа обвинението беше отфрлено, но Министерството може повторно да го отвори случајот.

Портпаролката на Белата куќа, Каролина Ливит, изјави дека Министерството за правда ќе поднесе жалба.

Обвинителката Линдзи Халиган, личен адвокат на Трамп, беше именувана за вршител на должноста откако нејзиниот претходник заклучи дека доказите презентирани во случајот Коми се недоволни за покренување обвиненија, според „Вашингтон пост“.

Весникот објави дека подоцна бил отстранет од функцијата од страна на администрацијата на Трамп.

Пред нејзиното назначување, Халиган работела во Белата куќа и била еден од личните адвокати на Трамп.

View this post on Instagram

A post shared by James Comey (@comey)

Коми ја поздрави пресудата во видео изјава објавена на Инстаграм. Тој рече дека одлуката покажува дека американскиот претседател не може да го користи Министерството за правда за да ги гони своите политички непријатели.

„Знам дека Доналд Трамп веројатно повторно ќе ме нападне“, додаде Коми. „Не се плашам и верувам во независно судство.“

фото: принтскрин

Кремљ верува дека планот на американскиот претседател Доналд Трамп за Украина би можел да биде многу добра основа за преговори, објавија руските медиуми.

Контроверзниот план од 28 точки наводно го изготвиле санкциониран руски функционер и американски претставник надвор од официјалните канали. Откако беше објавен од Аксиос, европските земји изнесоа неколку контрапредлози.

Русија не ја добила прилагодената американска верзија на планот за Украина, соопшти Кремљ, но разбира дека се прават промени. Исто така, се вели дека Европа ќе мора да биде вклучена во одреден момент бидејќи би било невозможно да се зборува за безбедноста без неа.

Кремљ изјави дека „нема што да каже“ за извештаите дека секретарот на американската армија, Ден Дрискол, водел разговори со руска делегација во Абу Даби.

фото: принтскрин

Кинеската мисија „Шенжоу-22“ лансирана е денеска, додека земјата се обидува да ги намали безбедносните ризици за својата програма за вселенски летови со екипаж и вселенската станица, откако претходно вселенско летало беше оштетено во орбитата порано овој месец.

Вселенското летало без екипаж „Шенжоу-22“ на кинеската вселенска станица „Тјангонг“ треба да го замени „Шенжоу-21“, кое мораше да се врати на Земјата шест месеци порано откако второто вселенско летало што се закачи на станицата беше оштетено. „Тјангонг“ и неговиот тричлен кинески екипаж се без вселенско летало за летање во случај на вонредна состојба веќе 10 дена, првпат откако станицата почна да работи кон крајот на 2022 година.

🚀#China launched the #Shenzhou22 #spaceship from the Jiuquan Satellite Launch Center in northwest China on Tuesday, marking the first emergency launch mission in the country's manned space program. The launch came after the Shenzhou-20 spacecraft was struck by space debris,… pic.twitter.com/D6fPQu1enC

— CCTV Asia Pacific (@CCTVAsiaPacific) November 25, 2025

Оштетеното летало „Шенжоу-20“, кое требаше да го врати триото астронаути на 5 ноември, доживеа судир со вселенски отпад, па екипажот се врати со вселенскиот брод број 21. „Шенжоу-22“ беше лансиран денес од Центарот за лансирање сателити „Џиукван“ во северозападна Кина, како и сите други мисии со исто име.

Клучната разлика е што овој пат вселенскиот брод нема да има човечки екипаж, бидејќи само тројца астронаути можат да бидат на вселенската станица подолг период. Леталото „Шенжоу-23“ со екипаж е закажано да се лансира некаде околу април следната година.

Поради оштетувањето на вселенскиот брод „Шенжоу-20“, неговиот екипаж мораше да остане на станицата дополнителни десет дена со екипажот на новопристигнатиот вселенски брод „Шенжоу-21“, па станицата мораше да работи со својот максимален капацитет од шест астронаути подолго од вообичаеното времетраење на смената.

фото: принтскрин