Свет
Вен Џибао: Тибет е мирен и стабилен!
Хималајскиот регион во Тибет е мирен и стабилен, тврди кинескиот премиер Вен Џибао за светските медиуми
Неделава што помина ја обележа 50-годишнината од првите протести против кинеските власти во Тибет. Демонстрации и протести се одржуваа низ целиот свет, а особено во азиските земји и Австралија. „Ситуацијата во Тибет во целина е мирна и стабилна“, изјавил Вен за медиумите во Пекинг на крајот од годишната парламентарна сесија на Кина. Вен застана во одбрана на кинеската политика во Хималајскиот регион, тврдејќи дека кинеските власти ја обезбедуваат стабилноста и ги подобруваат животите на жителите на Тибет. „Изминатите неколку години владата го зголеми фискалниот внос во Тибет за да овозможи развој во економијата и работеше на подобрување на животните стандарди на тибетските фармери и сточари“, изјавил Вен. Кина ги запечати тибетските региони за да спречи немири за време на неделните одбележувања на 50-годишнината од првиот бунт против нејзиното владеење. Тогашните бунтувања придонесоа да биде протеран духовниот лидер Далај Лама, со што кинеската власт се зацементира на територијата. Во својот говор од првата негова база во егзил, Дарамшала, во вторникот, Далај Лама рече дека кинеското владеење од неговата родена земја направило „пекол на земјата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.