Полска ќе забрани фотографирање на илјадници локации, вклучително и пристаништа, железници, мостови и владини канцеларии, според новите закони за национална одбрана чија цел е да се спречи шпионажа, јавува полската ТВП.

Новите прописи, кои стапуваат на сила на 17 април, ќе го направат нелегално фотографирањето на приближно 25.000 локации низ целата земја, при што само 3% од тие локации се сметаат за воени објекти, остатокот е цивилна инфраструктура.

Законот е одговор на зголемените грижи за националната безбедност во Полска и Европа, по бројните напади во ЕУ поврзани со Русија и нејзините посредници од почетокот на руската инвазија на Украина.

Прекршувањето на забраната може да резултира со парични казни, апсење или конфискација на опремата.

Но, критичарите велат дека правилата се нејасни и би можеле да влијаат на обичните луѓе, а не на вистинските шпиони.

Осумгодишно момче паднало од четвртиот кат на зграда во Сомбор по што со тешки повреди било пренесено во болницата во Нови Сад.

Според информациите на регионалните медиуми, момчето родено 2017 година паднало од терасата на станот на четвртиот кат, најверојатно поради навалување, но ова, според написите, не е официјално потврдено.

„Детето паднало на лимениот покрив од зградата, кој се наоѓа на приземјето од зградата“, изјавил извор од истрагата.

Момчето, на кое му биле дијагностицирани тешки, животозагрозувачки повреди, по несреќата, веднаш било пренесено во здравствениот центар во Нови Сад.

Момчето е во многу сериозна општа состојба, пренесува „Блиц“. Сместено е на Институтот за здравствена заштита за деца и млади на Војводина, на одделот за интензивна нега на Детската хирургија.

Францускиот премиер Франсоа Бајру изјави денес дека е неопходно итно намалување на буџетскиот дефицит за да се заштити земјата од цунамито на дестабилизацијата, кое вклучува сè поагресивна Русија, како и трговската војна иницирана од американскиот претседател Доналд Трамп.

Како што објави „Ројтерс“, Бајру на прес-конференција во Париз оцени дека едностраните потези на Трамп, вклучително и воведувањето царини и нарушувањето на односите со сојузниците, сериозно ја разнишаа довербата во меѓународниот поредок.

„Претседателот на Соединетите Американски Држави почна ураган, чии последици нема да завршат набргу. Како да не беше доволна војната, светот сега е погоден од цунами на дестабилизација“, рече Бајру, пренесува „Танјуг“.

Иако не презентира конкретни мерки, Бајру ја отфрли можноста за зголемување на даноците и најави дека консултациите за буџетот ќе бидат завршени пред националниот празник на 14 јули, со цел да се забрзаат фискалните реформи.

Целта на владата е да го намали буџетскиот дефицит на 5,4 проценти од БДП до крајот на годината, а потоа постепено да го спушти под 3 проценти до 2029 година, во согласност со правилата на Европската Унија.