Свет
САД-проверка на стотици милиони финансиски трансакции

Американската администрација, во рамки на борбата против тероризмот, работи да воспостави систем што ќе и овозможи да има увид во стотици милиони меѓународни финансиски трансакции, пишува денеска Њујорк Тајмс
Американската администрација, во рамки на борбата против тероризмот, работи да воспостави систем што ќе и овозможи да има увид во стотици милиони меѓународни финансиски трансакции, пишува денеска Њујорк Тајмс Весникот, кој се повикува на неименувани функционери, наведува дека работна група на американскиот Трезор подготвила процедура за пристап до регистрите на меѓународните вирмани, примени или емитувани од американските банки. Трезорот за ова се повикува на одредбата од законот за реформи на разузнавачкиот систем изгласан во декември, што му дозволува од финансиските институции да бара податоци за “одредени меѓународни електронски финансиски трансфери”, ако смета оти тие се потребни во борбата против перењето пари и финансирањето на тероризмот. Сторителите на терористичките напади од 11 септември 2001 година користеле меѓународни вирмани за трансфер на 130.000 долари, истакнуваат претставниците на Трезорот и додаваат дека тој вид операција би можел да се повтори. Њујорк Тајмс истакнува дека тешко се влегува во трагата на парите со кои се финансира тероризмот, бидејќи се спроведуваат многу операции со релативно минимални средства. Септемвриските напади на Њујорк и Вашингтон, Ал Каеда ја чинеле меѓу 400.000 и 500.000 американски долари, пишува весникот./крај/хн/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Папата Франциско: Болеста ми помогна појасно да ја видам апсурдноста на војната

Папата Франциско кој беше хоспитализиран поради пневмонија, во писмо повика на прекин на војните и дипломатски решенија за конфликтите.
Во писмото до весникот „Кориере дела сера“, папата рече дека неговата долга болест му помогнала да стане уште појасна „апсурдноста на војната“ и го обновил својот повик до дипломатијата и меѓународните организации да најдат нова виталност и кредибилитет.
Папата укажа и на важноста на зборовите, велејќи дека „мора да ги разоружаме зборовите, да ги разоружаме умовите и да ја разоружаме Земјата“. Претходно денеска Бакингемската палата потврди дека кралот Чарлс ќе се сретне со папата Франциско меѓу 7 и 10 април, и покрај болеста на католичкиот водач.
Папата (88) беше примен во римската болница Гемели на 14 февруари со тешка респираторна инфекција и оттогаш не е виден во јавноста, пренесува Танјуг.
Регион
Во хрватскиот Сабор едноминутно молчење за загинатите во Македонија

Хрватскиот Сабор денеска со едноминутно молчење им оддаде почит на 59-те лица кои завчера загинаа во пожарот во Кочани, Македонија.
„Загубени се многу млади животи и во име на хрватскиот Сабор сакам да изразам сочувство до семејствата на жртвите и да им посакам брзо закрепнување на повредените“, изјави претседателот на Собранието Гордан Јандроковиќ.
Во пожарот што завчера избувна во „Пулс“ во Кочани, загинаа 59 млади лица, а повеќе од 150 се повредени.
Свет
Кремљ го објави времето за почеток на разговорите Трамп-Путин

Кремљ потврди дека телефонскиот разговор меѓу Владимир Путин и Доналд Трамп ќе се одржи денеска, со почеток во 14 часот по македонско време (16 часот по московско време).
Американскиот претседател пред телефонскиот разговор со Путин изјави дека „многу елементи“ од мировниот договор во Украина се веќе договорени со неговиот руски колега.
Во своето ноќно обраќање во понеделникот, украинскиот претседател Володимир Зеленски го обвини Путин за продолжување на војната. „Овој предлог можеше одамна да се спроведе“, рече тој, додавајќи дека „секој ден во време на војна значи човечки животи“.