Откако Мексико соопшти дека досега од вирусот на свински грип умреле 70 луѓе а во САД се регистрирани осуммина заразени, тамошните здравствени власти бараат знаци на нов вид грип за да утврдат дали вирусот и натаму се шири

Денеска во Женева се одржува итен состанок на Светската здравствена организација заради смртоносниот вирус на свински грип кој го зафати Мексико а се прошири и на САД. Претседателката на СЗО, Маргарет Чан го откажала патувањето за Вашингтон и допатувала на состанокот во седиштето на организацијата за да се изнајде решение за оваа голема опасност. Стручњаците велат дека е рано да се зборува за епидемија, но предупредуваат дека постои опасност од ширење на вирусот, од тип кој досега не е забележан кој некои стручањаци го нарекуваат соја вирус. СЗО официјално соопшти дека вирусот кај 12 мексикански пациенти генски е идентичен со новиот тип вирус на свински грип означен како H1N1, со оној кој е откриен кај осум пациенти во Калифорнија и Тексас.Генските анализи покажале дека овој тип вирус претставува никогаш досега не забележана комбинација од човечки и птичји вирус. Овој вирус, според вирусолозите отстапува од другите групи вируси и со тоа што грипот најчесто ги погаѓа главно постарите луѓе и мали деца, додека овој тип вирус е смртоносен за малдите луѓе на возраст од 25 до 45 години.Во Мексико досега се забележени 1.005 случаи на грип за кои постои сомневање дека се предизвикани со овој смртоносен вирус. Мексиканскиот министер за здравство Хозе Анхел Кордова издал наредба за избегнување на движењето во групи и задолжително носење маски, предупредувајќи дека вакцинирањето не е гаранција за спречување на заразата. Во главниот град Мексико Сити кој има 20 милиони жители, војската на  улици ги дели маските. Одложени се сите спортски натпревар, концерти претстави и други масовни собирања.

Смртоноскиот свински грип од Мексико се шири во САД