Свет
Свинскиот грип веќе не може да се запре, 152 жртви во Мексико

Смртоносниот вирус веќе не може да се сопре, тврди СЗО. Заменикот генерален директор Кеиџи Фукуда препорачува државите да се псоветат на санирање на последиците. За производство на вакцина треба да минaт 4 до 6 месеци
Светската здравствена органзиација утринава го покачи степенот на опасност од 3 на 4, што е само чекор до прогласувањето на пандемија. Степенот 4 значи дека вирусот покажува системска можност од преминување од човек на човек и брзо ширење. Оваа одлука на СЗО е донесена по вториот итен состанок на медицинските стручњаци свикан во врска со ширењето на свинскиот грип.Се додава дека вирусот многу се раширил и дека неговото запирање веќе не е задача, туку дека сите држави во кои се појавил треба да се насочат кон воспоставување мерки кои ќе го штитат населението. Бројката на починати во Мексико се искачи на 152 жртви, но СЗО вели дека официјална потвда има само дваесетина. САД, Канада, Велика Британија и Шпанија официјално ги потврдија поблагите облици на заболување кај нив.Во понеделник навеќер шпретставникот на Бордот на СЗО за итни состојби, Грегори Хартл изјавил дека веќе е почнато да се работи на создавање вакцина, но дека за нејзино производство се потребни најмаклу четири до шест месеци. Америакнскито ценатр за превенција и следенње на болестите (CDC) издвоил примерок на H1N1 и произвел сопствен вирус за вакцина и сега го одлгедуваат во јацје клетки што е прв степен за добивае вакцина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.