Свет
Подобрена состојбата на девојчето заболено од свински грип во Англија

Британските здравствени власти соопштија дека е подобрена здравствената состојба на 12-годишното девојче од местото Пејтон во англиската област Девон, за кое вчера беше потврдено дека е заболено од свински грип, пренесуваат светските медиуми
Девојчето се наоѓа во изолација дома и покажува дека организамот добро реагира на терапијата на лекот „Тамифлу“, претходно создаден за одбрана од птичјиот грип, што вирусолозите го оценуваат како многу поопасен од болеста со која сега се соочува светот.Заболеното девојче било на одмор во Мексико и три дена по враќањето доаѓало на училиште без да покаже некаков знак на заболеност. Влошувањето дошло речиси наеднаш и брзо потоа болеста се развила, што е карактеристика на свинскиот грип.Училиштето веднаш по откривањето дека 12-годишната ученичка е заболена од овој тип грип е затворено и така ќе остане најмалку една недела. Сите 290 ученици се на третман со „Тамифлу“, а здравствените власти ја надгледуваат состојбата на седум други лица, кои биле во контакт со заболеното девојче, но проверка се прави и на сите во училиштето во Пејтон и во поширокиот дел од областа Девон во југозападна Англија.Епидемиолошки експерти утринава изјавија дека тие се загрижени од можноста болеста да продолжи да се шири низ Велика Британија, не само кај оние што биле во Мексико и сега се вратени дома, туку и меѓу луѓето кои не биле никаде подалеку од своите домови, затоа што свинскиот грип лесно се пренесува меѓу луѓето.Досега е потврдено дека вкупно петмина Британци се заболени од свински грип. Сите пет случаи се луѓе кои биле во Мексико на одмор. Здравствените власти во Шкотска соопштија дека осум лица, од оние чие здравје се надгледува затоа што биле во контакт со првите двајца заболени, на тестовите покажале дека не се заразени со опасната болест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.